Matiyaga niyang hinintay si Ethan pagkatapos nitong sundin ang ina sa lobby ng ospital. Hindi malaman ni Sasha kung matutunawan ba ito sa kinain nila o baka sasakit na naman ang sikmura nito dahil sa sobrang pagmamadali kanina.
Sinandal muna nito ang likod sa headboard ng kama habang yakap ang isang unan. Sinusubukan niyang ihanda ang sarili sa magiging reaksyon ng mama ni Ethan at kung sakaling magagalit man ito sa kanila. Normal na reaksyon na rin yata iyon dahil siguradong magugulat ito sa malalaman.
Boses palang sa cellphone ang narinig niya kanina pero aminado itong istrikto at medyo mataray ang dating ng ginang. Mabuti nalang at medyo mas malambing ito ng konti kung ikukumpara sa boses ng huli niyang naging amo.
Napatikhim na lamang si Sasha nang mapansin nitong bumukas ang pintua
