Masayang inilagay ni Sasha ang mga kamay sa kanyang bewang at umikot ng dalawang beses para pagmasdan ang magandang hubog ng katawan nito sa salamin.
Pinili nitong isuot ang isang peach off-shoulder dress na pagmamay-ari ni Athena. May kirot mang hatid sa puso niya ang ginawa pero may dahilan naman kung bakit kinailangan niyang isuot ang damit na naiwan ng babaeng nanakit kay Ethan. Nakita niya kasing inilabas ito ng binata sa sala, siguro naawa ito sa kanya dahil gabi pa lamang ay namromroblema na ito kung anong pwede niyang isuot sa lakad nila.
Nakakahiya namang isipin na pupunta sila sa isang mamahaling restaurant kung saan pormal ang suot ng mga guest habang nakasuot lamang siya ng isang lumang bistida na maari nang gawing basahan.
Pagkatapos ng lahat ng sakit na naranasan nilang da
