Khylle's Pov:
"Argh!" Inis na sumandal ako sa upuan ko at tumingala.
Mariing isinara ko ang mga mata ko bago sinimulang hilutin ang sentido. Ilang beses na din akong uminom ng gamot para sa pananakit ng ulo pero ni kahit kaunti ay hindi naman naibsan ang kirot ng ulo ko.
Hindi nga yata tumalab sa akin ang kahit anong gamot na ininom ko. Hindi din naman natural na pananakit ng ulo ang nararamdaman ko kundi dulot ng mga papel na nakatambak ngayon sa malaking lamesa na nasa harapan namin.
Iminulat ko ang isa kong mata para tingnan ang dahilan ng pananakit ng ulo ko. Naiiling na pumikit ulit ako at muling pinagtuunan ng pansin ang paghilot sa sentido.
Kung dati ay gustong-gusto ko ang amoy ng mga papel na naglalaman ng mga kaso na pwede kong gawing exclusive ay iba na ngayon. Gusto ko
