Khyle’s Pov:
Nakangusong sinusundan ko ng tingin ang bawat kilos ni Tito Colorado. Kanina pa s’ya nakasimangot at hindi pa rin n’ya ako iniimikan. Ganito na s’ya mula nang ihatid ako rito ni Detective Joseff noong isang araw. Masama ang loob n’ya at kahit na inaasikaso n’ya ako ay hindi naman s’ya nagsasalita o nagtatanong man lang.
Dalawang araw na rin mula nang ihatid ako ni Detective Joseff dito sa bahay naming. Dalawang araw na rin akong hindi pumapasok at wala kong ginawa sa mga araw na iyon kundi ang magpahinga lang. Hindi rin naman problema sa KST ang hindi ko pagpasok dahil sila na mismo ang nagbigay ng leave ko. I can take time as much as I want, ika nga ng superior kong si Brixx.
Maganda ang mood ng management ng KST dahil ang lahat ng exclusive report na nanggagaling sa presi
