"Hindi ko alam ang gagawin ko kapag iniwan ako ni Oliver..." umiiyak na sabi ni Serenity sa kaniyang kaibigan na si Diane.
Hinaplos ni Diane ang likod ng kaniyang kaibigan. "Sa tingin ko, kaya may galit si Oliver sa babaeng gold digger, baka may naging karelasyon siya na pera ang naging habol sa kaniya. Kaya siguro galit siya sa ganoong klase ng babae. Pero malay mo naman, 'di ba? Maiintindihan iyan ng asawa mo basta i- explain mo lang sa kaniya. Sabihin mo ang totoo hangga't mas maaga pa."
Huminga ng malalim si Serenity bago pumihit paharap kay Diane. "Sa tingin mo ba... maiintindihan niya ako?"
Kumibot ang labi ni Diane at saka mabagal na tumango. "S- Siguro? Pero sa tingin ko naman, oo. Maiintindihan ka naman niya."
Napasingap si Serenity. "Bakit hindi ka sigurado?"
Kumamot ng ulo
