"Puwede ba akong maupo sa tabi mo?"
Kumunot ang noo ni Clara nang makita ang isang lalaki. "Sino ka? Sa dami ng upuan, dito mo pa naisip maupo?"
Walang kaalam- alam si Clara na nag- background check na si Jasper sa kanila. Pati nga si Charles, Brix at Oliver. Lahat ginagawa ni Jasper para manmanan ang mga ito at alamin ang bawat galaw at ganap sa buhay.
Ngumisi naman ang lalaki sa kaniyang harapan. "Huwag kang masyadong masungit dahil alam kong magiging kakampi mo ako. Ako si Jasper. At ikaw naman si Clara. Tama? Ang babaeng baliw na baliw kay Oliver...."
Nanlaki naman ang mga mata ni Clara nang marinig iyon at kumunot ang kaniyang noo. "Paano mo nalaman ang pangalan ko? At bakit kilala mo si Oliver? Sino ka ba? Kaibigan ka ba niya o kaaway?"
Tumawa naman si Jasper. "Wala sa nabangg
