Tila bumagsak ang katawan ni Serenity dahil hindi na siya kumakain ng maayos. Hilong-hilo man ay pinilit niyang bumangon. Isang linggo na ang lumipas simula nang huli silang magkita ni Oliver. At ang puro nakikita niya online ay ang picture nila ni Clara kung saan magkayakap sila palagi. Na kung titingnan, parang may relasyon na nga sila. Durog na durog ang puso ni Serenity sa tuwing makikita niya ang larawan na iyon. Kaya hindi na niya kaya pa ang ganoong sitwasyon. Kailangan niyang makita ang asawa niya. Kailangan niyang makausap ito.
Pinilit niyang kumain para magkaroon siya ng lakas dahil aalis siya. Pupuntahan niya ang kaniyang asawa sa kompanya nito. Nang matapos siyang kumain, pinilit niyang bilisan ang kilos niya kahit na hilong-hilo na siya. Na para bang gusto na lamang niyang h
