Sumilay ang ngiti sa labi ni Erik nang makita ang dalagang si Serenity. Kapag nakikita niya ang dalaga, awtomatikong kumakabog ang kaniyang dibdib dahil mas lumalim pa ang nararamdaman niya para kay Serenity kahit na alam niyang wala siyang pag - asa dito.
"Hi, ma'am!" wika niya nang lapitan niya ang dalaga.
"Hello..." simpleng sabi ni Serenity sa kaniya.
Nakagat ni Erik ang kaniyang pang ibabang labi dahil hindi niya alam ang sasabihin niya upang mapahaba ang usapan nila ng dalaga. Dahil parang walang gana palagi ito kapag kinakausap niya.
"Parang... parang gumaganda po kayo araw- araw, ma'am Serenity. Ano pong sikreto ninyo?" sabi ni Erik sabay kamot sa kanyang batok.
Bumaling naman sa kaniya si Serenity. "Wala. Siguro talagang pinanganak akong maganda..." mayabang na sabi nito saba
