Napapa-iling na lang ako habang sinusundan ko nang tingin ang babae. Paniwalang-paniwala ito na isa akong baliw. Kaya hayon at halos madapa sa pagmamadali makaalis lang sa aking harapan. Natatakot na saktan ko siya.
Nagdesisyon na rin akong pumasok sa kabahayan at sa aking kwarto ako unang pumunta. Balak kong maligo upang maalis din init ng ulo ko. Nakakainis naman kasi, may trabaho na sana ako kung hindi lang dumating ang lalaking iyon na kontrabida sa akin.
Hindi ko alam kung ano ang problema nito at binulabog pati ang plano kong magtrabaho. Para akong ipo-ipo sa bilis nang mga pagkilos ko. Wala pa halos kalahating oras ay nakaligo na ako. Balak ko na lang na tulungan si Inay sa mga gawaing bahay para naman may pakinabang ako.
Habang nandito ako sa aking kwarto ay humiga muna ako sa k
