الجزء الاول

3829 Words

تبداء احداث القصه بمقابلة امرأتين كل واحدة لها ستايل مختلف عن التانيه وواضح كمان فرق السن بينهم الاولي في أواخر سن العشرينات ب*عر اسود طويل باهت وملامح حزينة وكئيبة برغم جمالها واقفة في يأس في انتظار صديقتها صاحبة منتصف سن الأربعين بيضاء البشرة وتملك شعر اصفر قصير لكن تظهر عليها وعلى ملامحها علامات الحيوية والبهجة ع** الاخرى اول م اتقابلوا الاتنين حضنوا بعض بحرارة وحب لكن الأولي لسه ملامحها يائسة صديقتها صاحبة الشعر الاصفر..مالك كئيبة ليه.كنتي مستنية حد تاني هو إللي ييجي يستقبلك.انسي.انا وأنتي مالناش غير بعض.يلا نمشي مشيت الحزينه معاها من غير رد فعل في عربية الصديقة المرحة.هنطلع على عندي في البيت انا قاعده لواحدى والبيت فضي عليا البنات اتجوزوا وكل واحدة مع جوزها في بلد يعنى متقلقيش محدش هيزعجك ولا يصدعك ولا حتى انا طيب أيه بقى مش هتردي عليا شوفتي مش سافرت كندا قعدت فيها شوية بس مش كتير لكن عايزة اقولك العيشة هناك كانت لاتطاق كنت عايشة بمشى تحت الارض وكأني هربانة مستحملتش رجعت علطول قولت الوحدة هنا احسن من الحبس هناك بس انا شايفه نفسي عمالة اتكلم كتير اوي وانتي ساكتة شكلي كده انا اللى هصدعك واعملك ازعاج سامحيني بقى عندى حكاوي كتيررر بس انتى عارفة بسكوتك ده إللي يشوفنا كده يقول اننا كنا لسه مع بعض امبارح ولا كأني كنت وحشاكي ولا عندنا حكاااااااااوي كتير محتاجين نحكيها لبعض فى ايه موحشتكيش انا ولا وحشك كلامي وحكاياتي الفتاة الحزينة ليل,اكيد طبعا وحشتيني ووحشني كلامك وحكاياتك.بس عايزه اشوف ريما الصديقه.ياستي اكيد طبعا هتشوفيها هي هتروح فين يعني بس الاول نرجع على البيت تاخدي شاور وترتاحي شوية وجسمك كمان اكيد محتاج للنوم علشان يرجع تاني لنشاطه وحيويته وبعدين امسكي تليفوني اهو شوفي صور ريما براحتك اتف*جي عليها مؤقتا تصبرك شويه لحد مانروح نشوفها سوا اهو برضه تبقي شوفتيها ابتديت ليل تتف*ج على صور ريما الصديقه.شوفتي كبرت ريما وبقيت جميله ازاى لا وايه بتعرف تتصور وكأنها موديلز طالعه دلوعة زي امها ماشاء الله عليها ربنا يحفظها وتبقى عروسة بس خدتي بالك المفعوصة دي بقى عندها فلورز على الانستا.دى اللى كنت بقعدها على رجلى وافضل اغنيلها اغاني الاطفال واقلدلها اصوات الح*****ت ياماشاء الله ربنا يحفظها ويفرحنا بيها القمر بتاعنا دي. وصلوا ليل وصاحبتها للبيت وكان فيه عربية واقفه قدام البيت مستنية وصولهم لكن اللى سايق العربيه متحركش من مكانه الصديقه.والله زمان .نورتى البيت .شوفتى ازاى البيت متغيرش زى ماهو من اخر مرة شوفتيه متغيرش فيه قشاية وحشتيني ياليلى ووحشتي بيتك ليل بحزن.بيتك دايما حلو الصديقه.تسلميلي انتي مش عارفه ازاى انا بفرح لما حد بيقول ليا ان بيتي حلو.انتي اللي حلوة تعالي بقى اوريلك الجنينه ليل دخلت معاها تتف*ج على الجنينه والورود الصديقة.تعالي تعالي انا مجهزالك هدوم علشان تاخدي شاور وتغيري هدومك هدوم من بتوع لانا بس بصراحه مش عارفه هييجوا مقاسك ولا ايه انتي خسيتي كتير جدا جدا عن الاول لو كنت اعرف كنت جهزتلك هدوم جديدة تناسب وزنك بس يابختك ده انا هموت ووزني ينزل شوية وبالذات بطني دي شكلها بيعصبني جدا يلا ماعلينا انتي طبعا عارفه مكان الحمام ادخلي خدي دش كده دافي يهدي اعصابك ويفك جسمك وانا هحضرلك احلى غدا يلا بقى ادخلى فعلا حطيت ليل شنطتها على سرير وفتحت الشنطة طلعت منها كارنيه فيه صورتها وقعدت تتف*ج عليه شوية وبعدها طلعت دبله جواز ركزت فيها شوية وفى الاخر دخلت اخدت الشاور وخلصت ووقفت قدام المراية وهي بتفتكر اللي حصلها علشان يظهر قدام عنيها صورة قتيل مرمي على الارض وسايح في دمه ترجع لتركيزها وتطلع لصاحبتها وهي لابسه هدومها ليل.فادية انا خارجة فاديه,نعم هو ايه ده اللي ماشيه لا انسي قبل ماتتغدي مافيش طلوع لأي مكان ليل.عايزة اروح اشوف نادين فادية.ليل.في ايه يعني هتروح فين نادين مش هتهرب كلي الاول وبعدين روحي شوفي اللي عايزة تشوفيه ليل.معلش شيلي ليا الاكل بتاعي لحد م ارجع فاديه .اد ايه انتي عنيدة وراسك ناشفه متغيرتيش طيب استني شوية. دخلت فادية اوضتها ورجعت تانى ل ليل فادية.خدي ده تليفون خليه معاكي علشان اطمن عليكي انا سجلتلك رقمي عليه لو في اي حاجة كلميني علطول وانا هكلمك كل شويه اعرف وصلتي فين ولو عايزة العربيه خديها لو لسه الرخصة بتاعتك سارية مفاتيحها معاكى كمان اهى بس على مهلك وخلي بالك من نفسك اتفقنا ليل.اتفقنا.ميرسي فاديه خرجت ليل وفعلا استعملت عربية فاديه سايقه العربيه وعلى وشها نفس ملامح الحزن كان فيه حد بيراقب ليل لكن هي مش مركزة ولا خدت بالها منه نهائيا لحد ماوصلت قدام باب شركة كبيرة دخلت الريسيبشن لموظفة الاستقبال تسألها عن الاستاذه نادين مخدتش ليل بالها ان نادين شافتها واتوترت واول حاجه عملتها نادين انها قلبت الصورة اللي قدامها على المكتب على وشها وواضح عليها بتخبيها من ليل وخرجت نادين من مكتبها تستقبل ليل نادين .لاء مش ممكن انا مش مصدقه عنيا هو اللي انا شايفاه ده حقيقي ليل بجد نورتي الدنيا الف حمد الله على السلامة خرجتي امتى ليل.النهاردة نادين.عاملة ايه ليل.تمام نادين.طيب تعالي تعالي نقعد في المكتب انا لما شوفتك مقدرتش استنى لحد ما تدخلي المكتب علشان اسلم عليكي ادخلي تعالي دخلت نادين ودخلت وراها ليل نادين.تشربي ايه؟ لاء شرب ايه انتي شكلك كده لسه متغدتيش تعالي نقعد في اي مكان بره نتغدا ونتكلم براحتنا ليل.معلش خلينا نقعد هنا شوية احسن نادين.خلاص ماشي على راحتك.اتفضلي اقعدي ليل شافت دبله جواز نادين.ايه ده اتجوزتي.مب**ك الف مبروك.ربنا يسعدك نادين.اه الله يبارك فيكي.علشان كده كنت بقولك نقعد فى مكان علشان نحكي براحتنا هنا مش هنعرف نتكلم برواقة ليل.معلش يانادين خليها مرة تانيه هتتعوض نادين.خلاص زي ماتحبي ليل.نادين عايزة اشوف ريما.روحت عند علي في الشغل بس قالولي انه ساب الشغل عندهم من فترة طويله ومحبيتش اروح البيت علطول علشان امه انتي عارفاها مش عايزة احتك بيها ولا اسمع كلام مالهوش لزوم.متعرفيش انتي على بيشتغل فين تعرفي طريقه يعني؟ نادين.اه اعرف علي بيشتغل معانا هنا بس هو دلوقتى عنده اجتماع ليل.هنا.على بيشتغل هنا نادين.ايوة ياليل هنا.وانا شايفه اننا لازم نخرج نتكلم في مكان تاني احسن كلامنا هنا مش هينفع ليل.لاءلاء مرة تانيه يانادين مش هينفع النهاردة ولا دلوقتى انا هقوم امشي دلوقتى نادين.طيب استني نقعد نتكلم شوية ليل.لا مرة تانيه نادين.طيب هعرف اوصلك ازاى؟معاكي تليفون؟ ليل.اه معايا نادين.طيب هاتي الرقم ليل.لا مش عارفاه نادين.طيب هاتي التليفون هسجل رقمي وارن على نفسي علشان اعرف رقمك.بس انتي قاعده فين دلوقتى ليل.قاعده عند فادية مؤقتا على الاقل لحد م اعرف انا هعمل ايه في اللي جاي نادين.طيب كده رقمي بقى عندك هخلص الشغل اللي عندي واكلمك بعد مااطلع من الشركه علطول ليل.اوك بعد ماخرجت ليل من مكتب نادين وكانت خارجه من باب الشركة قررت وقفت لثواني وقررت انها لازم تواجه رجعت تانى لموظفه الاستقبال علشان تسألها من فضلك مكتب استاذ علي فين؟ الموظفة.استاذ علي علام مدير الحسابات ولا استاذ علي رزق جوز مدام نادين ؟ اتفاجئت ليل وسابت الموظفة ورجعت بعصبيه لمكتب نادين اللى كانت واقفه تتكلم في التليفون ليل بعصبيه.نااادين بقولك ايه قولى للاستاذ اللي معاكي على التليفون دلوقتي اني كل اللي بيهمني هو بنتي وبس غير كده مفيش حاجه فارقه معايا نادين.ليل من فضلك اهدي شوية خلينى افهمك انا عملت كده علشان خاطرك وعلشان خاطر ريما ليل.ااااه علشان خاطري.علشان خاطري تروحي تتجوزي جوزي؟ نادين.كنت هقولك بس مجاتش فرصة ولا انتي عطتيني فرصة ممكن نطلع في مكان تاني علشان اعرف افهمك اللي حصل ليل.مفيش بينا كلام محتاج يتقال خلص بيني وبينك اي مجال للكلام نادين.ليل لو انا وهو مكناش اتجوزنا كان هياخد ريما بنتك ويسافر ومكنتيش هتقدرى ولا هتعرفي توصلي لأى اخبار عنهم ولا هتعرفي عن بنتك اي حاجة وقولتلك من اخر مرة كنت عندك لما جيت زورتك انه هددني لو جيت زورتك مرة تانيه انه هياخد ريما ويسافر وانتي بنفسك قولتيلي خلاص بلاش تيجي مرة تانيه تزوريني ليل.اه طلبت منك متجيش تزورينى علشان خاطر ريما مش علشان خاطر حضرتك تروحي تتجوزيه.انتم كده كده مش مهمين بالنسبالي اللي يهمني دلوقتي رد واحد على سؤالي ريما بنتي فين؟ نادين.طيب يا ليل اهدي واصبري شويه اديني شوية وقت على الاقل اظبط الجو وامهدلها الاول علشان البنت متتفاجئش ولا تتصدم لما تشوفك ليل.تتصدم لما تشوفني.تتصدم لما تشوف امها نادين.اه طبعا ياليل تتصدم اكيد مش طبيعي ان البنت تشوف امها بعد غيابها عنها السنين دي كلها هي مش هتستوعب يعني بالسهولة دي وريما بنت حساسه جدا سيبيني يومين بس وانا هرتب الدنيا وهكلمك تيجي تشوفيها او حتى هجيبهالك لحد عندك ليل بصدمة.ماشي يانادين يومين بس خرجت ليل من عند نادين وهي في حاله صدمة و**رة هي مكانتش مستحملاها في كم المصايب اللي هي عايشاها خرجت ومشيت بعربيتها كتير وفجأة وقفت علي البحر فوق كوبري على شاطئ البحر وابتديت تفتكر فلاش بااااااك في نفس المكان لما كانت هي وريما بيجروا ورا بعض وسايبين وراهم علي نازل من العربيه شايل حاجات البحر كلها لواحده وهو بينادي عليهم علي.طيب على الاقل تعالوا شيلوا معايا حاجة من الحاجات اللى شايلها لواحدى دي ليل بضحك.متنساش تجيب كل حاجه في العربيه وكملت لعب مع ريما وعلي كمان جاب كل اللي في العربيه وابتدا يجري معاهم ويلعب ويشيل ريما ويتصور مع ليل اد ايه كانوا مبسوطين وحياتهم هاديه والضحك علطول مرسوم على وشوشهم باااااك قعدت ليل على الرمل قصاد البحر وهي مش مصدقه ان ده حصل مش قادرة تصدق ان مطلوب منها تستحمل كلمة ان بنتها هتتصدم لما تشوفها قعدت مع نفسها كتير لحد الليل ما دخل والنهار راح كانت فادية واقفه قلقانه ومستنياها لحد ما شافتها داخله البيت وفتحتلها الباب فادية.ليل فينك كل ده قلقتيني عليكي الله يسامحك ليه مرديتيش على مكالماتي كلمتك كتير جدا ليل.مسمعتش التليفون فاديه .ازاي يعني مسمعتيش التليفون؟ ليل.اسفه اتاخرت عليكي واخدت عربيتك معلش لو عطلتك او كان وراكي مشوار فادية.لا طبعا انا بس قلقت عليكي خوفت تكوني توهتي في الطريق عارفه بقالك سنين مسوقتيش ولا لفيتي فى البلد ليل.كنتي عارفة يافادية؟كنتي عارفة ان نادين اتجوزت علي؟ كنتي عارفه انها اتجوزت جوزي؟ فادية.اه ياليل كنت عارفة بس كنت هقولك ايه هو انتي كنتي ناقصه حاجة توجع تاني اكتر من اللي انتي فيه اه عارفه بس مرضيتش اقولك علشان مزودش وجعك انا اصلا مكنتش عارفه اقولك ازاي. روحتي شوفتيه ليل.لاء شوفتها هي فادية.شوفتي ريما؟ ليل.لاء قالت لازم تمهدلها الاول .تمهدلها لريما بنتي انها هتقابل امها علشان متتصدمش فادية.يمكن ده الصح فعلا ياليل برضه لسه البنت صغيره ممكن متستوعبش الموقف ليل.تفتكرى يافادية ايه اللي ممكن يكون علي قاله لريما عني ؟ فادية.هيكون قال ايه يعني.وايا كان اللي قاله في الاول وفي الاخر انتي امها وهي بنتك ودي حاجه محدش يقدر يجادل فيها وبعدين انا مش حاسه انها ممكن ترفض تقابلك ماشاء الله عليها البنت واخده عقلك وذكائك مش طالعاله هو غ*ي وحمار. ...في مكان تاني قاعد علي وابونادين حماه يعنى بيتكلموا الاب.لاء لاعلي لاء البنت فعلا لازم تشوف امها حرام تحرم ام من انها تشوف بنتها كفايه اللي حصل فيها واللي شافته علي.هي اللي عملت كده في نفسها هي اللي مفكرتش في بنتها من البدايه الاب.علي انت عارف ومتأكد كويس جدا ان ليل ولا قتلت ولا خانتك والزفت اللي اسمه هادي هو اللى ورطها واستغل علاقتهم ومعرفتهم ببعض من ايام الكلية لكن ليل مفيش بينها وبينه حاجة مفيش اي علاقة بينهم ياعلي وانت عارف ده كويس على.هي خبيت عليا الموضوع وراحت قابلته من ورايا وفي بيته ومن غير ماتحكيلي وبالنسبالي انا بقى دي اسمها خيانه مالهاش اي اسم تاني الاب.هي يمكن غلطت فعلا بس اللي مينفعش وحرام انك تحرمها من بنتك خلافتكم حاجه والبنت وعلاقته ب امها دي حاجه تانيه نادين.بصراحة بابا عنده حق ياعلي بلاش تدخلوا ريما في النص وبعدين خليها تشوفها برضاك وموافقتك بدل ما هتقدر تشوفها غصب عنك.لكن قبل كل ده والاهم احنا ازاى هنقول لريما خبر زى ده علي.اهو انتي قولتيها بنفسك.ازاى هنقولها .هروح اقولها حبيبتى يلا ماما خرجت من السجن تعالي قابليها وهنا قطع كلامهم دخول شخص جديد الشخص.مساء الخير كلهم.مساء النور الشخص.مالكم في ايه قاعدين شكلكم حزين كده ليه في حاجه حصل حاجة نادين.خرجت ليل من السجن الشخص.طيب وايه اللي حصل يعنى ايه عرفت انك اتجوزتى علوووش واتجننت مثلا ولا اتعصبت؟ سابتهم نادين وقامت من مكانها علي.عايزة تشوف ريما الشخص.المهم انك تشوف ريما هتقبل تشوفها الاول ولا لاء على.وده نفس اللى بقوله انا قام علي من مكانه وراح ورا نادين الاب للشخص.هو انت لو مستفزيتش اختك وضايقتها متحسش انك مرتاح الشخص.ليه وانا قولت ايه يعني ؟ قولت حاجة غلط؟ ... عند ليل في الاوضه اللي فاديه مجهزاهالها اخد المفرض من على السرير وفرشته على الارض واخدت المخدة حطيتها فوقه ونامت على الارض وسابت السرير فاضي رن تليفون ليل قامت ترد بسرعه ليل.علي.علي عايزة اشوف بنتي.عايزة اشوف ريما بنتي ياعلي علي.من امتى كانت بنتك ليل بعصبيه.بينتي وهتفضل بنتى بمزاجك او غصب عنك بنتي وهاخدها وهتعيش معايا غصب عنك على بهدوء.وهتقوليلها ايه بقى ليل.اني بريئة واني مظلومه هو ده اللي حصل ودي الحقيقه مش هبقى بكدب عليها انت بس اللى رفضت تصدق علشان انت كنت عايز متصدقش اني فعلا بريئة وبكرة هتشوف انى هعرف اثبت برائتي قفل علي الخط في وش ليل اللي كانت عماله تصرخ ومتعصبه وصوتها فزع فادها وخلاها تدخلها اوضتها وهي مخضوضه فادية.ليل حبيبتى مالك حصل ايه ليل.مش عايز يصدق انى خرجت مضايق ومش طايق اني بقيت بره السجن كان عايز ايه فاكر اني هفضل عمري كله محبوسة.راح اتجوز وعاش حياته وجاب ام تانية لبنتي ومساكار عليا انى اخرج للدنيا ولبنتي تاني بعد ظلم السنين دى كلها. فادية حضنتها.حبيبتى اهدي بس وروقى اهدي كل ده هيتحل بكرة متقلقيش الحقيقة اكيد مسيرها تبان ليل بعصبيه بتتصل ب على تانى.بصى مش بيرد عمال تليفونه يرن ومش عايز يرد عليا فاديه.ان شالله عنه ما رد خليه مايردش ووالله بكرة تشوفي كل حاجه هتبقى كويسة وهترجعي احسن من الاول كمان ايه ده هو ليه الفرش ده محطوط ع الارض نامي على سريرك واهدي كله هيكون خير متقلقيش ..فى بيت على طلع النهار وقاعدة ريما تفطر وعلى واقف جنب الشباك قصاد ريما وكانت نادين عمالة تتخانق مع الشغاله ومع نفسها كمان ريما.مالها يابابا ليه متعصبه علي.مفيش حاجه ياحبيبتى خلصي انتى فطارك علشان متتأخريش ريما.متخانقين؟ على.ريماااا ريما.طيب خلاص بس من غير ماتزعق رجعت نادين بهدوء.يلا حبيبتى علشان نخرج خرجت ريما تجيب شنطتها نادين.قولتلها حاجة علي.لاء مقدرتش ,,, عند ليل وفادية ليل.صباح الخير فادية.صباح النور.نمتي كويس ليل.اه تمام فاديه.لو مش قادرة تنامى على السرير ممكن اجيب لك... قبل ماتكمل جملتها رديت ليل.لاء لاء متقلقيش كله هيبقى تمام هرجع اتعود فادية.انا مكنتش عايزة اضايقك زياده امبارح بليل انتي كنتي منهارة بس كده مينفعش انا عايزاكى تمسكي نفسك كده وتقوي مش كل ماهتسمعي منه كلمتين تتعصبي وتنهاري بالشكل ده لاء مش هينفع ميستاهلش طظ فيه و100 طظ فيه كمان وبعدين انتي كنتي مستنيه ايه يعنى سي علي ده هياخدك بالاحضان يعني لما يشوفك ولا يكون فى استقبالك فارشلك الارض ورد وفل امشكي نفسك ياليل علشان خاطر بنتك ليل.بكرة لما اثبت برائتي هعرف ازاى اخدها منه فادية,تثبتي ايه؟برائتك.لو كنتي تقدرى تثبتي برائتك ياليل كنتي اثبتيها من زمان اه احنا متأكدين انك بريئة لكن لو على الاثبات مفيش ليل.بقالى 8 سنين مسجونة يافادية مكانش في ايديا اعمل حاجة ولا كنت هقدر اثبت ولا ادور طول ما انا محبوسة ومتقيدة يافادية انا فيه 8 شهدوا عليا زور نفسي اعرف ليه ولمصلحة مين ومين اللى بعتهم يشهدوا عليا كذب فادية.اااه صح عندك حق .علشان انتي اصلا لما تروحي عندهم تسأليهم ها ليه شهدتوا عليا زور ومين اللى باعتكم وواخدين كام هما هيقولوا علطول مين اللى وراهم كبرى دماغك بقى ياليل انسي وفوقي لنفسك وكفايه السنين اللى ضاعت من عمرك وعمر بنتك كفايه بقى عوضي اللى فات ولا انتي عايزة ترجعي تانى للسجن. اوعديني ياليل انك تنسي كل اللى فات والماضي ترميه ورا ضهرك وتعيشى كل اللى جاي بس ليكي ولبنتك انتي وهى احق بكل لحظه فى عمرك اتفقنا.يلا بقى تعالى شوفيلى الفنجان ههههه بقولك ايه تعالى انا محضرالك مفاجأة تعالى اوريهالك وكانت المفاجاة هى الريس (الموتور.الموتوسيكل)بتاع ليلى فاديه.صحيت الصبح غسلتهولك بنفسي وحطيتلك في بنزين وشغلته كمان لأنه بقاله سنين مشتغلش مش ناقص بس غير انك تجيبي الخوذه علشان مينفعش تمشى بيها كده اهو علشان متبقيش شاغله بالك بقى بخروجي ولا بعربيتى ولا تبقى م**وفه انك تطلبيها ولا متعرفيش تتحركي براحتك بسببها بس المهم تفتكرى هتعرفي تسوقيه فرحت ليل بالموتور بتاعها ووقفت تتف*ج عليه بس قررت اول مشوار تطلعه بموتورها هو مدرسة بنتها ريما وبعد ماوقفت تستناها بشوق ونار شافت ليل ريما وجريت عليها ملهوفة لكن اللى حصل من رما صدمها ووجعها اكتر من سنين السجن اللى فاتت ريما اول ماشافتها عرفتها بس بدل ماتاخدها في حضنها زقتها وقعتها على الارض وطلعت تجرى ركبت عربية ابوها اللى السواق وقف يستناها جنبها وطلعت تليفونها وهى قاعدة فى العربية تحت نظرات ال**رة والحسرة فى عين ليلى واتصلت ب ابوها ريما.انت ليه مقولتليش انها خرجت من السجن؟ . خدت ليلى موتورها ورحت على محل كان قاعد على باب المحل شاب فى اوائل الاربعينات من العمر ليل.من فضلك زياد موجود اتصدم الراجل من سؤالها.مين حضرتك ليل.انا معرفة قديمة الراجل.لو حقيقي معرفة قديمة كنتى عرفتي ان زياد مات من فترة طويلة من 8 سنين ليل.ياخبر انا اسفه البقية فى حياتك الراجل.ايوة مين انتى بقى انا اخوه قوليلي بتسألى عليه ليه ليل.اخوك شهد عليا زور من 8 سنين كنت عايزة اعرف هو ليه عمل كده ومين اللى خلاه يعمل ده اخو زياد.اااه شكلك طالعه من السجن جديد.عموما لو عايزة تعرفي انا ممكن ابعتك عنده تسأليه بنفسك امشى من هنا وبلاش تورينى وشك مرة تانيه ليل مشيت وهى هتتجنن وسايقه بمنتهى السرعه لكن فى الطريق وقفت قصادها عربية مرة واحدة اضطرت ليل انها تقف ونزل منها شخصين طول وعرض وشكلهم ضخم جدا شخص منهم.مدام ليل من فضلك فى حد عايز يقابلك ليل.حد مين وعايز ايه؟ الشخص.متقلقيش يامدام ليا مفيش حاجة تخوف بس لازم تروحى وهو يقولك بنفسه هو عايز ايه ممكن تيجي معانا ليل.طيب امشوا انتم بالعربية وانا هاجى وراكم الشخص.لاء مينفعش عيب مش اصول يعنى وبعدين الريس مش هيرضيه حاجة زى دي لازم تيجي معانا فى العربية ليل.طيب بتعرف تسوق موتور ركبت ليل مع واحد منهم والتانى ماشى وراهم بموتورها ليل.قولتلي اسمه ايه الريس بتاعك بس مجالهاش رد من السواق واخيرا وصلت لفيلا كبيرة دخلت وكان فى انتظارها شاب ثلاثينى وسيم واقف ومعاه الكلب بتاعه الشخص.ماتخافيش مش هيأذيكي.حمدالله على السلامة ليل.لاء مش خايفة.مين حضرتك الشخص. واضح.باين عليكي مش خايفه.ركبتى مع الشباب.تعبتيهم فى الاول ولا الموضوع حصل بهدوء ليل.يعني مش هركب معاهم علشان اصرخ فى الطريق وبعدين لو كانوا عايزين يأذوني كانوا قتلوني فى مكاني ومكانوش جابوني عند حضرتك الشخص.احب اعرفك على نفسي انا كريم غنام.كريم داوود غنام.اعتقد كده عرفتيني ليل.غني عن التعريف.بس ممكن اعرف بعمل ايه هنا كريم.مستعجلة ليه اتفضلي ارتاحي الاول متستعجليش انا قاعد مستنيكي بقالى 7 سنين بحالهم مش قادرة تستنى دقايق وبعتلك حد تبعي على السجن لكن انتي رفضتى تقابليه ليل.ليه ممكن تكون بقالك 7 سنين مستنيني تقدر تقولى ليه كريم.عايز اعرف منك اجابة سؤال واحد.مين اللى كان مع هادي يوم ماقتل ابويا ليل.ولما انت عايز تعرف ليه مسألتهوش هو بدل ماتستناني كل السنين دى كريم.كان مسجون وانا كنت لسه صغير ولما كبرت شوية وهو طلع حضرتك قتلتيه ومبقاش قدامي غيرك اسأله ليل.انا مقتلتهوش كريم,ولا سرقتى التمثال ليل.اي تمثال كريم,التمثال اللى اتكلمتى عنه فى التحقيق.ايه مالك لونك اتغير ليه ليل.علشان اتكلمت عنه فى التحقيق بس محدش صدقنى كريم.لكن انا مصدقك.وعلشان تتأكدى كمان التمثال كان م**ور ليل.انت اللى ض*بتنى على راسي كريم.لاء تفكيرك ميروحش لبعيد. التمثال ده له قصه .انا ابويا كان بيحب يجمع التحف والتماثيل اللى لهم قيمه كبيرة عنده فى البيت وبالاخص اللى بيكونوا مميزين او فيها علامات معينه ودلالات كان بيلف العالم علشان يلاقى التماثيل اللى من النوع ده وكان كل تمثال له قصه وحكاية وده كان بيهمه الا التمثال ده استنيت سنين فترة حبس الزفت ده بس للاسف زي ملحقتش اعيش مع ابويا ملحقتش احاسب الزفت ده لما خرج اتقتل وكان مفيش قدامى غير اني استناكي تخرجي علشان اعرف منك اللى حصل ليل.انا كل اللى عملته الليلة دى بتاعت القتل بتاعت ابوك انى كنت مستنية هادي برة على الموتور كنت معاه لانه كان مفهمني ان العملية دى زى كل عملية بنعملها كل مرة بنرجع التحف والتماثيل المسروقه لأماكنها الاصليه مكنتش اعرف ان ابوك اتقتل غير بعد لما اتمسك هادى وطلبونى بسبب علاقتى بيه لأن وقتها انا وهو كنا مخطوبين واتفاجئت ساعتها فى التحقيق انه كان معاه حد تانى جوة لما دخل المكان اللى فيه ابوك ولما سألته مين اللى كان معاه رفض يعرفنى قاللى مش عايز يدخلنى فى مشاكل انا ماليش علاقة بيها كريم.ولما خرج من السجن مقالكيش حاجة ليل.قاللى ان حياته فى خطر وان التمثال معاه وان مفيش حد غيري يساعده وطبعا كان شايف ان مفيش حد ممكن يساعده غيري وانا للاسف مقدرتش اقاوم العرض انت عارف يعنى ايه او ايه قيمة تمثال زى اللى كان مع ابوك او زى اللى هادي استرده من ابوك.روحتله واول مادخلت عنده لقيته مرمي على الارض سايح فى دمع وقاطع النفس كان مقتول وقبل م يص*ر مني اي رد فعل لقيت حد ض*بنى على راسى كريم.وطبعا التمثال اختفى ليل.والمحامي نصحني انى مجيبش سيرة التمثال علشان مدخلش نفسي فى متاهات تانيه انا مش هقدر اواجه اللى هييجي من وراها كريم.وصاحبكم التانى اللى طلب منك متتصليش بيه تانى ليل.زياد.روحت عنده النهاردة علشان اعرف ليه عمل كده ليه شهد ضدي وليه انكر كلامي فى التحقيق بس للاسف لقيت اخوه اللى قاللى انه اتقتل زياد اتقتل كريم.طيب مش بتشكى فى حد او بتتوقعي شخص معين يكون له يد فى اللى حصل وله مصلحه فى قتل زياد ليل.فيه شخص تالت هو شاهد على اللى حصل هو ميشيل المدير القديم بتاعي فى المتحف لما شهد فى المحكمة قال انه شافنى قبلها مع هادي فى الكافيه قاعدين بنتكلم وده محصلش لا الوقت ولا المكان ولا التاريخ انا وهادى كنا فيه مع بعض ومعرفش ليه قال كده بس اكيد هو يعرف مين القاتل الحقيقي كريم.سيبي ميشيل ده عليا انا هعرف اتفاهم معاه ليل.لا انا محتاجه اشوفه بنفسي واعرف ليه هو عمل معايا كده وايه سبب انه يكذب كريم.براحتك وعموما رجالتي كلهم فى خدمتك وقت ماتحتاجي حاجة اطلبي بس هتلاقيهم معاكي وقت ماتحتاجي خرجت ليل بعد ماخلصت كلامها مع كريم ركبت موتورها وراحت على بيت فاديه كانت قاعدة فى التراس لوحدها سرحانه بليل دخلت عليها فادية فادية.شكلك متعصبه ومضايقه ومش عايزة صداع ووجع دماغ وانا هحاول مزعجكيش بس من فضلك ياليل لو سمحتى لما اتصل بيكي ردي عليا ببقى قلقانه عليكي وعايزة اطمن بلاش توجعيلي قلبي عليكى ليل.انا اسفه معلش عملالك قلق كتير انا بس النهاردة روحت لريما المدرسة علشان اشوفها فادية.بجد وايه اللى حصل ليل.اول ماشاف*نى هربت طلعت تجرى وخافت مني وكاني عفريت مش امها وجعتلى قلبي فادية.لاء مش ممكن يمكن مخدتش بالها منك او مش فكراكي شكلك اتغير شوية ليل.لاء شاف*نى وعرف*نى اللى زعلنى بس انى حسيتها خايفه مني فادية.لا تخاف منك ايه ايه اللى حسسك بكده مستحيل طبعا شيلي الفكرة دى من دماغك بس هو طبيعي ان البنت تتلغبط وتتوتر لما تشوف امها فجأة بعد ماغابت عنها وعن حياتها 8 سنين بحالهم فترة كبيرة جدا لكن انها تجرى وتهرب منك ولا تخاف لاء معتقدش بلاش انتى بس تكبرى المواضيع بسطيها على نفسك شوية ياليل اهدي خدي بس دول خليهم معاكي واعتبريهم سلف مش عايزة كلام كتير لما تشتغلي ويجيلك فلوس ابقى ادفعهملي والموضوع منتهي وعلى فكرة التليفون اللى معاكي ده فيه حاجة اسمها خريطة وبوصلة يعنى بيعرف الطرق علشان بس تركزى معاه لما تحبي تروحي مكان بدل ماتتوهي ولا متعرفيش ترجعي ضحكت ليل بهدوء وضحكت فادية ودخلوا يناموا بس ليل سرحانه وهى نايمه وباصة للسقف علشان فجأة تخرج وترن جرس لباب بيت يفتحه شخص بدين وقصير اول مايشوفها يتوتر ويقول.ليل ايه ده امتى خرجتي حمدالله على السلامة ليلبعصبيه.الله يسلمك .دلوقتى تعرف يااستاذ ميشيل ورفعت فى وشه المسدس ميشيل.ليل اهدي ياليل انا ماليش دعوة بحاجة ماليش دخل ياليل ليل.وطي صوتك.صوتك ميعلاش ميشيل.ياليل انا ماليش ذنب ماليش دخل ولا ليا دعوة بحاجة ليل.اخرررس.ليه شهدت ضدي زور عايزة اعرف ليه عملت كده ليه تشهد زور بحاجة محصلتش ميشيل.انا مشهدتش زور انا شهدت باللى بعرفه ليل.انت للدرجة دى كذاب وقذر ووقح بتكدب عيني عينك كده قدامى بقى انت شوف*نى فى المكان اللى قولت عليه فى المحكة انت ياكداب شوف*نى انا مع هادي فى المكان والوقت اللى قولت عليه فى المحكمة ميشيل.لاء مشوفتكيش.بس هددوني يقتلونى انا وعيلتي ليل.مين اللى هددوك؟ ميشيل.مش عارف مش عارف ناس معرفهمش هما اللى وصلولى وهددونى لو ماقولتش كده هيقتلونى انا وعيلتى ليل.مين هما.مين هما الناس اللى هددوك.مين اللى كانوا هيقتلوك لو مشهدتش ضدى ميييين ميشيل.مقدرش اقول لو اتكلمت هيقتلونى ليل.لو مقولتش انا اللى هقتلك ميشيل.مقدرش اقول واحسن ليكي انك متعرفيش والله ياليل لمصلحتك انتى كمان متعرفيش ليل.لو ماقولتش هقتلك انا معنديش حاجة اخسرها هقتلك فاهم يعنى ايه هقتلك علشان فجأة جرس الباب يرن فى وقت بعد نص الليل ياترى مين اللى جاي لميشيل فى الوقت ده؟

Free reading for new users

Scan code to download app

App Store Google Play

Facebookexpand_more