Atubiling sumunod si Valeria kay Brad patungo sa baba. Mahigpit ang kapit niya sa magkabilang bewang ng damit dahil hindi siya komportable na walang kahit anong suot pang ibaba.
Wala namang imik ang kanyang boss habang naglalakad pero nagsasalubong ang kilay nito. Medyo madilim na pala sa labas nang tumanaw siya sa malaking bintana sa na nasa living room nito. Wala ring ibang tao sa buong bahay at parang bula na naglaho lahat ng katulong na nakita niya kanina.
"Nasaan ang mga kasambahay mo?" wala sa sarili niyang tanong at nilibot ng tingin ang buong bahay.
Wala talaga siyang nakikita pero may pagkaing nakahain sa dining pagpasok nila.
"They have their own house at the back of this mansion." sagot nito sa tanong niya.
Napatango naman si Valeria. May nakita nga siya kaninang medy
