Pagkarating sa hotel room nila ni Brad ay walang salitang humiga siya sa malambot na kama. Feeling niya nanlalambot ang lahat ng bahagi ng kanyang katawan. Namamanhid na din yata ang kanyang utak dahil wala siyang ibang naiisip kundi ang nakita niya kanina.
Si Brad ay hindi niya alam kung nasaan. Pagkarating nila sa room ay lumabas ito ng kwarto. Hindi niya sigurado kung saan nagpunta dahil wala namang sinabi ang lalaki.
Ano kaya ang iniisip nito?
Habang nakahiga siya patagilid ay hindi niya namalayang may luha na palang nakatakas sa kanyang mga mata na agad din niyang winaksi.
No! Hindi siya dapat umiyak dahil lang don. Alam naman niya dati pa! Alam na alam niya ang totoong dahilan kung bakit sila iniwan ng kanyang ama. Kaya nga siya nasasaktan. Kaya hindi niya masisisi ang ina na
