Aligagang lumabas si Valeria sa opisina ng kanyang boss. Wala sa sariling natampal niya ang noo at pabagsak na naupo sa kanyang swivel chair.
Bakit mo sinampal ang boss mo V?
Eh kasi kanina pa niya ito giniginising pero ayaw talagang magising! Binabangungot ang boss niya na parang may sumasakal dito. Hindi niya sigurado pero umungol kasi ito na parang nahihirapan. Medyo napalakas pa naman ang kanyang sampal dahil namumula ang pisngi ng kanyang boss.
Feeling niya pati palad niya ay namanhid na rin. Humulma pa yata ang kamay niya sa pisngi nito. Patay na talaga.
Mabuti nalang at marami siyang kailangan gawin kaya nawala iyon sa isip niya. Sa buong maghapon ay hindi din lumabas ang kanyang boss at mukhang sobrang busy nito. Wala ding babae ang pumunta ngayong araw na ipinagpasalamat n
