PAGPASOK pa lang ng kotse ni Keith sa underground parking lot ng Bachelor’s Pad pagkagaling niya kina Sylve at Yona, umangat agad ang mga kilay niya. Okupado kasi ng mga pamilyar at bagong sasakyan ang halos lahat ng parking space doon. Malayong malayo sa hitsura nang lugar na iyon sa nakaraang mga buwan.
“Anong ginagawa nilang lahat dito nang ganitong oras?” nagtatakang bulong niya. Naririnig na niya na may mga tao sa loob ng common area habang naglalakad pa lang sa ground floor lobby. Ipinasok muna ni Keith sa kanyang opisina ang box ng DVDs bago pinuntahan ang ingay. Ang weird sa pakiramdam kasi unti-unti na siyang nasasanay na tahimik sa buong Bachelor’s Pad araw-araw.
“Keith, you’re finally here!” sigaw ni Ross Mitchell na nagkataong nakaharap sa pinto
