Napakislot ang dalaga nang maramdaman ang pagtapik sa kan’yang balikat. Nang imulat niya ang mga mata ay si Olive ang nabungaran niya. Nakatunghay ang matanda sa kan'ya at mababakas sa mga mata nito ang lungkot.
“Nang...” aniya at kinusot-kusot pa ang mga mata. Bumangon na rin siya mula sa pagkakahiga.
“Alas-nuebe na anak, bumaba ka muna at maghapunan,” wika nito na inayos pa ang strap ng sandong suot niya dahil nalaglag iyon sa balikat niya. Binalik iyon ng matanda pataas.
“Gabi na po pala. Hindi ko namalayan, ah,” Mahaba-haba pala ang naging tulog niya simula kaninang dumating sila ni Marcus. Pagkatapos niya kasing mag-drama ay nahiga siya at hindi na namalayan na nakatulog na pala siya.
“Kanina pa nga ako pabalik-balik dito upang gisingin ka. Halika na, naririnig ko na ang pagkulo n
