"Daddy, alam ko kung ano talaga ang trabaho ninyo ni Caliver. Alam ko na rin na hindi legal ang mga ginagawa ninyo!"
"Shut up, Fiona! Ito ang tanging bumuhay sa ating pamilya. Bago namatay ang Mommy mo, ito na ang negosyo naming dalawa kaya huwag mo akong taasan ng boses!"
Ibinagsak ni Fiona ang sling bag niya sa couch at humarap sa kanyang ama.
"Galit na galit kayo kay Caliver dahil palagi siyang pumapalpak. Ilang beses na siyang nahuli ng mga pulis dahil na rin sa inyo, Daddy. Ano ba talagang gusto ninyo? Ang ipahamak si Caliver dahil natatakot kayo na baka kapag ikinasal kaming dalawa, mawala lahat ng mga bagay na iniingatan ninyo!"
Hinarap ako ni Daddy at sinampal ng malakas ang pisngi ko. "Wala kang utang na loob!"
"Totoo naman hindi ba? Natatakot kayo kay Caliver dahil mas matal
