NAKATINGIN ako sa malaking kama na nasa harap ko ngayon. Iniisip ko na ngayon kung paano magiging pʼwesto naming dalawa na hindi magdidikit ang aming balat sa isaʼt-isa.
Napagulo na lamang ako sa aking buhok at inayos na itong kama. Nilagay ko ang dalawang unan sa gitna namin bale tig-isang unan na lamang ang mayroʼn kaming dalawa.
Nang makitang okay na ang pʼwestong ginawa ko ay pumasok na ako sa loob ng bathroom pero agad din akong lumabas, wala akong damit!
Anong susuotin ko?
Pero, nawala ang pangamba sa aking dibdib nang may marinig akong katok mula sa pinto. Pumunta ako roon at binuksan ang pinto, nakita ko ang babaeng gumabay sa akin kanina, si Rica.
“Magiging damit niyo po, Madam Ana. Bago po ang mga iyan at kabibili lamang po kanina. Sana po magustuhan niyo po ang damit na
