ARAW ng linggo. Niyaya ako ni Janice na magsimba kami rito sa simbahan sa may village. Hindi na ako nakatanggi dahil wala rin naman akong gagawin ngayong araw.
Nasa pinakaunahan kaming nakaupo nina Janice, Gavin and Carmen. Hindi pa rin talaga ako nasasanay na tawagin sila sa kanilang pangalan lamang knowing na mas matanda sila sa akin na dapat igalang, kaya ang ginagawa ko na lamang ay sinasabi ko sa isipan ko ang kuya at ate bago ko binibigkas ang kanilang pangalan.
“Miss Anna, mag-uumpisa na ang misa,” bulong na sabi ni Janice sa akin at tumango ako sa kanya.
Napalingon ako sa buong paligid ng simbahan at nakita kong marami na nga ang tao. Marami rin pala nagsisimba rito.
Nag-umpisa na ang misa at ako ay nakatutok lamang sa harap, sa mismong pari habang nagsasalita siya hanggang
