“Anna, kanina pa kitang napapansin na tulala, ha? Ilang araw ka na bang tulala? Anong mayroʼn?”
Gulat akong napatingin sa aking likuran nang marinig ko ang boses ni Bea.
“Oh, para kang nakakita ng multo naman ngayon! May multo ba rito?” kinakabahan niyang tanong sa akin at kumapit sa aking balikat.
“W-wala...” iling ko sa kanya. “Nagulat lang ako sa iyo,” saad ko sa kanya.
“Eh?” malakas na sabi niya kaya tinakpan ko ang aking kanang tenga kung nasaʼn ang bibig niya. “Nagulat? Eh, ilang araw ka ng tulala, Anna! Simula pa nuʼng Monday pagpasok mo! Hindi lang namin ikaw matanong dahil sinabihan kami ni Carol na huwag kang guluhin at baka ay may problema ka lang sa pinsan mong mahadera. Iyon ba ang problema mo?” mahabang sabi ni Bea sa akin.
Napapikit ako sa kanyang sinabi dahil sobrang
