HINDI mapakali at paroo't parito ang lakad ni Jen sa sala nila. Kabado at nag-aalala pa rin siya para sa kalagayan nang kaniyang asawa. May kalahating oras na kasi simula nang mawalan ito ng malay dahil sa kagagawan niya, pero magpahanggang ngayo'y hindi pa rin bumabalik ang malay tao nito. Diyos na mahabagin! Hindi niya talaga mapapatawad ang kaniyang sarili kapag malala ang maging resulta niyon kay Esrael.
"Miguel, sigurado ka bang okay lang talaga ang sir mo?" nag-aalala pa ring muling tanong ni Jen sa lalake.
Tumayo sa kaniyang puwesto si Miguel matapos tanggaling ang hot compress na nasa ulo nang kaniyang amo. "Huwag po kayong mag-alala señorita, sigurado po akong mayamaya lamang ay gigising na rin si señorito Esrael." anito.
"Sure ka?" may paninigurado pang tanong nito. Mayamaya a
