INIS na bumaba si Jen mula sa mga bisig ng binata nang makaakyat na ito sa hagdan ng swimming pool. Muli niya itong tinapunan ng matalim na tingin bago tumalikod habang yakap-yakap ang sarili.
"Thank you." mahinang saad ni Esrael, ngunit hindi naman iyon nakaligtas sa pandinig ng dalaga.
"Bakit naman ako mag t-thank you sa 'yo?" mapanuyang tanong nito at magkasalubong ang mga kilay na tinapunang muli ng tingin ang binata.
"Dahil tinulungan kita." aniya.
"Sinabi ko bang tulungan mo ako?" mataray nitong tanong muli.
Mabilis pa sa alas kuwatrong napatiim bagang si Esrael. Ramdam niya sa kaniyang sarili na unti-unti na namang nabubuhay ang pagkainis niya rito. Sa halip na mag salita, isang malalim na buntong-hininga ang pinakawalan nito bago naglakad palapit sa kinaroroonan ng kaniyang da
