MALALIM na buntong-hininga ang pinakawalan ni Jen matapos niyang hubarin ang wedding gown na isinukat kanina. Hawak-hawak niya iyon habang nakatitig siya sa kaniyang sarili mula sa repleksyon sa malaking salamin. Nasa loob siya nang fitting room sa mga sandaling iyon.
You look so beautiful.
Muling lumitaw sa kaniyang imahinasyon ang nangyari kanina sa labas habang suot niya ang wedding gown na iyon. Nang lapitan siya ni Esrael at walang paalam na hinawakan nito ang kaniyang mga kamay. Pinakatitigan siya nito ng mataman. Sinuyod ang kabuuan niya na tila ba'y hindi ito makapaniwala sa nakikita.
The way he looked at her. Parang pakiramdam ni Jen nahihipnotismo siya kanina dahil sa mga titig nito sa kaniya. Hindi siya makagalaw. Ni hindi niya manlang magawang tumutol sa binata nang hawakan
