Samara’s POV
Gabi na nang magising ako. Medyo maganda na ang pakiramdam ko dahil sa pag-aalaga ni Melecio sa akin kanina.
Napangiti ako bigla dahil ngayon ko na lang ulit naranasang alagaan ng isang tao ngayong may sakit ako. Mas mabilis talagang gumaling kapag inaalagaan.
Bumangon ako para magsalin ng tubig sa baso ko. Bilin niya na uminom ako ng maraming tubig kaya susundin ko siya. Hindi na ako magiging matigas ang ulo. Kung ano ang sinabi niya ay aking susundin na.
Kaya ko nang tumayo kaya bumaba ako para magbanyo. Sa kakainom ko kasi ng tubig simula pa kanina ay tiyak na puno na ng tubig ang pantog ko.
Nang mapadaan ako sa kusina ay nakita kong nagluluto si Melecio. Napakagat-labi ako sa nakita ko roon. Topless siya at pawis na pawis ang katawan. Tinitigan ko siya, kahit anong an
