Samara’s POV
Kahit hindi ko pa sana papansinin si Melecio dahil sa nangyari sa kanila ni Jordyn ay maaga tuloy ako napapunta sa bahay niya kinabukasan para lang ilahad sa kaniya ang nalaman ko kay Sanya. Pagdating ko roon ay nadatnan kong topless ito, pawis na pawis habang nagbubuhat ng barbell sa may garden. Nagulat pa siya nang makita ako. Agad itong napangiti dahil hindi niya inaasahan na maaga ko siyang kikibuin.
“Good morning,” bati niya sa akin.
“Hindi magiging good ang morning kapag nalaman mo ang nalaman ko kagabi,” bungad ko naman sa kaniya kaya agad na napakunot ang noo niya.
“Sandali, pumasok muna tayo sa loob,” aya niya sa akin saka binuhat papasok sa loob ang barbell niya para itabi na ‘yun. Pagdating namin sa loob ay uminom muna siya ng maraming tubig. Hinayaan ko munang
