Samara’s POV
Nag-aagaw na ang liwanag at dilim. Nakakailang bote na kami ng alak kaya may tama na rin ako ng alak. Lahat ay magulo na. Na-miss masyado ni Melecio ang mga kaibigan niya dahil hindi sila nauubusan ng kuwentuhan. Nawala na nga ata sa loob niya na kasama niya ako.
Mabuti na lang at nasa tabi ko si Jana. Siya ang kausap ko simula pa kanina. Ang dami niyang kuwento sa akin about sa pagiging successful niya bilang vlogger. May gold play button na siya at mahigit limang milyon na ang subscribers niya. Tiyak na malaki na rin ang kinikita niya. Lahat ng sikat na vlogger ay nakakapagpatayo na ng bahay. Kung maaga-aga ko nga lang nalaman ang tungkol sa pagba-vlog ay baka pinasok ko na rin ‘yun.
Hindi na bumalik dito si Tori. Si Dennis na lang ang bumalik. Ang sabi niya ay umuwi na
