(Mellardsanity)
"OKAY! Sana maitama ko ang sagot sa mga susunod na tanong. Mananalo ako! Kaya ko 'to!"
Bigla na lang lumakas ang loob ko nang maalala ko ang thumbs-up at ngiti ni Lorraine sa akin.
Ipinakita na ang ikalawang tanong. Isa itong word problem kung saan aalamin ang edad ng apat na magkakapatid batay sa given data. Algebra ito. Ang kaibahan lang ay kailangan i-analyze ito nang ayos dahil masyado itong komplikado.
Ikinalma ko ang aking sarili at huminga nang malalim. Pagkatapos ay ibinigay na rin ang signal para magsagot. Kagaya nga kanina, ang bilis ko pa ring magsolve subalit konte na lang ang bumilib.
Sa loob ng 28 seconds ay tinapos ko ang pagsasagot. Kakaiba ang aking nararamdaman, alam kong tatama ako! Ganoon ang nadarama ko. Hindi ko tuloy mapigilang mapangiti nang mga
