NATAPOS ang unang kanta namin. Nabuhayan ako dahil sa mga naalala ko at sa pangako ko sa aking pamilya matapos iyon.
Nabigla naman ako dahil halos lahat ng nasa gym ay nagsitayuan at pumalakpak. May humihiyaw rin dahil sa sobrang saya. Ang galing-galing ko raw kumanta, panalo na kayo, iyon ang kanilang mga sinasabi. Ikinasaya ko ito, hindi ko kasi akalain na matutuwa at hahanga sila sa una kong kanta. Pakiramdam ko ay napupuno ako ng kompyansa sa sarili dahil dito. Gusto kong isigaw sa buong mundo ang nararamdaman kong saya. Nagandahan sila sa pagkanta ng banda namin! Salamat at napalitan ng saya ang kaninang lungkot ko pero alam ko sa sunod kong kakantahin ay tiyak na babalik ang lungkot ko. Dapat pala ay inuna ko ang malungkot na kanta, paninisi ko sa aking sarili.
"Ang next song po na
