[ALTHEYA]
DAHIL SA lakas at lamig ng hanging tumama sa aking balat ay napayakap ako sa aking magkabilang braso upang kahit papaano ay maibsan ang lamig na nararamdaman.
Kasalukuyan akong nasa 5th floor, sa rooftop at saka pinagmasdan ang kapaligiran, ang madalim na kalangitan na maraming bituin, mga ilaw galing sa nagtataasang mga building at bahay. Maririnig din mula rito ang mga busina at tunog ng mga umaandar na sasakyan sa baba.
Limang araw na ang nakalipas simula noong pansamantala akong tumuloy rito sa lounge na katabi lamang ng hospital na pinagdalhan ko kay Sir Harrison.
Buti na lamang ay malapit lang ito sa hospital dahil kung hindi ay baka mapadalas pa ang pagpunta ko sa harap no’n para lamang bantayan ang maaaring sumugod sa kanila.
Bumuntong-hininga ako at saka lumingo
