[ALTHEYA]
NAPATIGIL SA pagsasalita ang isang lalaki nang makarinig sila ng kaluskos na nagmumula sa bintana.
Lilingon na sana sa bintana pero pinigilan ko ang aking sarili dahil kapag ginawa ko iyon ay makikita nilang gising na ako.
Dahil nakapiring ang aking mga mata ay hindi ko makita ang kabuuan ng kanilang ginagawa. Tanging ilaw galing sa labas ng kuwarto ang nagbibigay liwanag kaya naman kahit papaano ay naaaninag ko iyon.
Naaninag kong sumampa ang isang lalaki sa higaan para sumilip sa labas.
Dahil may kataasan ang bintana sa kuwartong ito ay kinailangan pa nilang umapak sa higaan upang tignan kung saan nanggagaling ang kaluskos.
“Tsk. Madilim na sa labas kaya hindi ko na makita kung ano iyon. Leo, tignan mo nga kung saan galing ang kaluskos. Kung may makita ka mang kahina-h
