[LENNOX]
PABAGSAK NA umupo ako sa driver seat nang makapasok na ako sa loob ng kotse at saka sinarado na ang pinto nito.
Itinapon ko na ang hawak kong baril sa passenger seat at bumuntonghininga ako. Hinawakan ko na ang manibela at ini-start na ang makina ng kotse.
Mabilis na pinahinarurot ko ang kotse papunta ulit sa sementeryo kung saan nakalibing sila mama. Makaraan ng ilang minutong pagmamaneho ay nakarating na rin ako.
Ipinarada ko muna sa parking lot ang kotse ko at saka isinandal muna ang likod sa upuan.
Hanggang ngayon ay ramdam ko pa rin ang panginginig ng aking mga kamay sa 'di malamang dahilan.
Nang kumalma na ang pakiramdam ko ay lumabas na ako sa kotse at naglakad na papunta sa puntod nila mama na magkakasama.
Tahimik na umupo ako sa tabi ng puntod ni mama at saka s
