Binuksan ni Morris ang pinto at akmang papasok na ng bahay, subalit mabilis na tumayo ang dalaga at humawak sa tela ng polo niya sa likod ang maliit nitong kamay. Pumihit siya paharap dito at sinalubong ang mga mata nitong puno ng pag-aalinlangan.
Inilipat nito ang kamay sa manggas ng polo niya at doon naman mahigpit na kumuyom.
Umigting ang linya ng panga niya. “Huwag kang kumapit sa akin, Lyrica. Hindi por que tinulungan kita ay mabuti na akong tao.” Kung inaakala ng dalaga na nakatagpo siya ng santo o tagapagligtas sa katauhan niya ay nagkakamali ito. Si Magda na kinakatakutan nito nang husto ay mapurol pa ang sungay kung ikukumpara sa kanya. Ang sungay niya ay mahaba at makapal na. Kaya sa kanya dapat mas matakot si Lyrica.
Hindi siya nito kilala.
Hindi nito alam na higit siyang m
