"Hi, mommy!" masayang bati sa ni Timothy nang makita niya ako sa parking habang hinihintay ko si Antalia.
Napangiti ako nang makita ito kahit na gusto kong mailing sa tinawag niya sa akin. Talaga bang gusto niya akong maging mommy niya?
Tuwing hapon ay sa parking lang ako naghihintay sa kanya hindi gaya sa umaga na minsan ay hinahatid ko pa siya sa mismong classroom niya gaya kaninang umaga.
Ngumiti ako kay Timothy kahit na naakwardan ako dahil tinatawag niya akong mommy. Nakita ko naman sa likod nito si Antalia na kulang na lang ay tumagos ang tingin kay Timothy habang nakasimangot.
"She is my mommy!" nakasimangot na saad dito ni Antalia at mabilis na lumapit sa akin at humawak sa isang kamay ko na tila ipinagdadamot ako. Matalim ang tingin ibinabato nito kay Timothy pero tila walang
