Gaya nang ipinangako ko kina mama uuwi ako sa amin kaya nang dumating ang sabado ay maaga akong nagising para maghanda para sa pag-uwi ko. Tumawag na rin ako kay Kelvin at napag-usapan namin na sabay kaming uuwi.
Nakapagpaalam naman na ako kay Alejandro at pumayag naman ito. Aba, dapat lang kasi noong mga nakaraang buwan ay hindi naman ako umalis ng bahay para magday off. Kahit na parang ayaw nito, wala naman itong choice. Maging kay Antalia ay nagpaalam na rin ako kagabi dahil maaring tulog pa rin ito pag-alis ko mamaya.
Matapos kong maghilamos ay bumaba na ako sa kusina. Naabutan ko si Manang Rita at Ate Emma na abala para sa paghahanda ng agahan.
"Good morning po," nakangiting bati ko sa kanila.
"Good morning din, Kat. Ang aga mo yatang gumising ngayon,"puna ni Ate Emma na abala sa
