"Did you meet my boss?" iyan agad ang bungad sa akin ni Kelvin nang makapasok ako sa loob ng condo niya.
Napataas ang isang kilay ko habang nakatingin sa kanya.
Mag-isa na lang ito sa sala habang may laptop sa harapan nito. Mukhang hinihintay talaga ko nitong dumating.
"Where's you friends? Umuwi na?" pag-iiba ko.
"I am asking you, Ate. Nauna akong magtanong. Huwag mong ibahin ang usapan."
Ngumuso ako bago naupo. Umaatake na naman ang ugali niyang parang si papa. Palibhasa younger version siya ng tatay namin.
"What meet ba ang ibig mong sabihin? Paki-elaborate. Meet as in date?" may ngisi sa mga labi ko nang sabihin ko iyon dahilan para
makatanggap ako sa kanya ng matalim na tingin. "Huwag kang mag-alala. Sasabihin ko agad kapag nag-propose na siya."
"I told you to stop fantasizi
