Nagising ako ng madaling araw na inaapoy ng lagnat, hindi ko magawang maikilos ang katawan ko dahil sa labis na panghihina.
Dumako ang tingin ko sa tabi ko ngunit ni hindi man lang nagulo at walang bakas na nahiga siya. Mukang magdamag itong hindi umuwi na ipinagpapasalamat ko. Nagkaroon ako ng mahabang oras na wala siya para na rin makapagpahinga ng maayos ang isip at katawan ko.
Muli kong ipinikit ang mga mata ko, pinakikiramdaman ko ang aking sarili.
Sinikap kong bumangon para sana bumaba at humanap ng gamot sa lagnat ngunit sa labis kong hilo ay napabalik lang ako sa pagkakahiga.
Kung nandito lang sana si Lola o hindi kaya si Lance malamang may mag-a-asikaso sa akin gayong ganito ka-sama ang pakiramdam ko.
Sunud-sunod ang naging pag-ubo ko kasabay ng pag-singhot. Ubo at sipon. T
