الحلقة التالتة

2003 Words

الحلقة التالتة وطبعا جلال قدر يجمع ثروة ويكون شخصيه بارزة بالمجتمع بس مش ناسى العشر سنين اللى راحوا من عمرة على ايد كلاب مسعورة مش عارف يرتاح الا لما يقدر ينتقم منهم ويصفى كل كبيرة وصغيرة مع الاندال دول مجدى:: يا جلال يا خوايا انسى امر النااس دى واتمتع بكل حياتك انت قدامك مستقبل كبير فاتح ايدة ليك بلاش تضيع نفسك جلال:: تفتكر يا مجدى انى حكون سعيد والكلاب دى عملت معايا كل حاجه خدت منى الامان وخدو الثقه فى البنى ادمين ومعدش اثق لحد مجدى:: حاسب على كلامك يا جلال مش اى حد تقول عليه كدة انت باين عليك اتجننت وانا الحق عليا انى بقيت دراعك اليمين جلال:: يا مجدى ياخوايا انت وحفنى اخوك موال تانى انتوا رجاله من ظهر رجاله ولا عاش وكان اللى يقدر يمس كرامتكم بكلمه انا اقصد من غدر الناس اللى معرفتش نواياها وكانوا عايشين حوالينا زى اعقارب فى صورة ملايكه انما انت واخوك حاجه تانيه افد*كم بعمرى ودمى مجدى:: ايوة بس حرام عليك نفسك انت لسه صغير الانتقام صحيح نار بتحرق بيها بس زى مبتحرق انت كمان حينوبك من الحب جانب جلال:: عارف ايه اكتر حاجه اتاثرت بيها مجدى:: كيف اتاثرت يعنى تقصد ايه جلال:: من الرويات والقصص والمغامرات روايه الكونت ديمونت كرستو (((((Count Diamond مجدى:::::: هههههه انت حتدخلنا فى الافلام الاجنبى شكلك عايز تعيش مغامرة حلوة زى الكونت ولا ايه جلال:: انا لا اطلاقا يا عم مجدى انا ليا طرقى الخاصه وحيات وحبتدى اسويهم على نار هاديه الا بقولك يا صاحبى انا شايف الصورة دى مجدى:: وتطلع مين السنيورة دى يا صاحبى جلال:: دى كانت خطيبتى اسمها دلال انا سمعت انها متجوزة وعايشه بالعنوان دة عايز اعرف كل تفاصيل عنها وظروفها وعايشه ازاى مجدى:: ايوة انت الكونت ديموند لحس عقلك هههههههه جلال:: هههههههه يابنى اسمعنى وسيبك من الكلام اللى لايودى ولا يجيب يا خوايا دى كانت بتحبنى من يوم مادخلت السجن واختفت وقطعت علاقتها بيا دى المفروض تكون مراتى مجدى:: وانت عايز منها ايه يا صاحى كل شى نصيب انت دخلت السجن وهى شافت مصلحتها معاك بص يا مجدى دلال دى كنت بحبها حب اعمى وفضلتها على بنات كتير وعملت معاها اللى محدش عملو وفى اشد الظروف انا كنت سند ليه وشلتها من مشاكل كنت محاصراها وخدت عهد عليها اننا نعيش سوا ونعمل المستحيل عشان نكبر هى بتحب المادة طول عمررها وكنت موفرها كل احتياجتها انما الغريب انها مكانتش بنت لاني غلطت معاها وفى بيتهم مرة واحدة تختفى وفى ظروف غامضه فى السجن ومعرفش حاجه عنها اكيد فيه سر ولازم اعرفو مجدى:: خلاص خلى الحكايه دى عليا انا حقدر اجيبلك قراها وحتصل برجالتى يجبوها من تحت طاطيق الارض جلال:: حلو اوى وشايف الصورة دى دة رامى اللى حبسنى دى صورته واسمه بالكامل اهو فى الورقه دى ودة سعيد ودة احمد اخوات ودة اسمهم عايز اعرف كل كبيرة وصغيرة عنهم يالا يا حبيب اخوك ورينى متك مجدى:: كل دة ساهل يومين واجيبلك خبر كل واحد فيهم انا اعرف ناس كتير وليا رجاله فى كل حته تقدر تجيبهم من تحت الارض ولو بطن الحوت الازرق بالازن يا جلال اسيبك تكمل شغلك لو فيه اى جديد حبلغك دوغرورى __________________________________ جلال:: فى الشركه جلال:: ايوة يا باشمهندس بس دة مش اتفاقنا من الاول وانت اخدت عمولتك من ومضيت العقد على كدة مهندس هشام:: كلامك مظبوط يا حبيبى بس فيه حاجات اتغيرت لازام تعرفها ان الحديد والاسمنت ولع وزاد الضعف والمقاول عايز يعمل العماير بخامه اقل من المواصفات وانا رفضت جلال:: تقصد ايه يا باشمهندس هو عارف ان العقد دة قديم والاسعار ساعتها كانت كدة هو استغلال ولا ايه مهندس هشام :: لا طبعا يا مجدى باشا ولا استغلال ولا حاجه بس انت عار ان فيه حيتان كبيرة محكرة السوق وبتلعب بالاسعار زى مانت عارف واحنا بقالنا مدة بنتعامل مع المقاول دة راجل طيب وابن حلال وانت مترضاش بالخسارة فى الكلام دة اللى حصل انه مضى العقد وبيتفق على على الخامات بتاعته لاقى الاسغار ارتفعت ومكنش يعرف بالجديد جلال:: خلاص يا باشمهندس انا حعرض الكلام دة على الادارة وهما حياخدو قرار بالاجماع اجتماع مجلس الادارة جلال:: انتو عارفين ان شركتنا اخدت المناقصه دى والاسعار بعدها زادت الضعف واحتمال يكون فيه خساير كبيرة لزيادة الحديد والمواد الخام شخص 1 :: كلامك مظبوط يا جلال بيه واحنا لازام نلتزم بالعقد عشان فيه فى الاتفاقيه شغل تانى وابراج اكبر من المناقصه دى تقدر تعوض الخساير شخص 2:: اة فعلا احنا نقدر نخلص المشروع باقل االخساير وفى نفس الوقت نكون ملزمين بخطوات السليمه من غير مانقلل بالخامات جلال:: ايه فكرتك يا عماد بيه عمادبيه :: دة شريك جلال وليه حصه فى الشركات بنسبه متساويه مع جلال عماد:: انا شايف اننا نلتزم بالاتفاق وكمان المقاول يعرف ان فيه شغل جاى من ورا الصفقه دى ميقلش م**به عن 200 مليون جنيه جلال:: خلاص يا حاضرات انا موافق على كلام عماد بيه واللى موافق يتفضل يرفع ايدة تمام يا يا جماعه كلنا متافين يعتمد كلام روساء مجلس الادارة ___________________________________ ________ وبعد مرور يومين مجدى:: تمام يا جلال كل المعلومات اللى طالبتها عن الناس قدرت اجمعهالك جلال:: شكراا يا مجدى ودة شيك منى لرجالتك حاجه بسيطه على تعبهم مجدى:: انا رضيت الرجاله يا جلال انت نسيت ان مفيش فرق بينى وبينك جلال:: تمام يا خوايا ايديهم دة كمان مش حيجرى حاجه انت ناسى ان رجالتك ورجاتى يبقوا واحد متعهدين على الخير والشر وانا اخ ليك مجدى:: معلش رجع اشيك يا جلال انا حفنى اخواى عهدته انى اكون معاك كتفى فى كتفك فى اى خطوة جلال:: تعيش يا حبيبى ربنا يقدرنىى اكون عند حسن ظنك انت وحفنى انت اخوات بجد محلمش انى امى تخلف رجاله زيكم مجدى:: الا قولى يا جلال انت عندك اخوات جلال:: ايوة عندى اخوات طبعا وموجودين مجدى :: يعنى مشفتاكش جبت سيرة عن اخواتك انت زعلان معاهم جلال:: لا طبعا مش زعلان بس مضمنش الظروف ومش عايز حد منهم يعرف حاجه عنى بس انا متابعهم وببعتلهم فلوس بطريقتى ومبيعرفوش انها منى طبعا مجدى:: يابنى انت بقيت رجل غنى واسمك على كل ل**ن ليه متخليش اخواتك جنبك جلال:: دى حكايه قديمه لسه مجاش دورها يا مجدى انا فاكرهم مش ناسيهم ولا ناسى اولادهم متقلقش يا صاحبى مجدى:: مقولتيلش ناوى على ايه يا صاحبى جلال:: انا هقرا المعلومات اللى انت بعتها واكيد اول واحد حيعرف انت مجدى:: وانا مستنى اول ض*به منك يا صاحبى تحت امرك ورهن اشارتك جلال:: تسلم باصاحبى ربنا ميحرمنى منك مجدى :: انا شايفك مش ملهوف انك تقرا الورق اللى ادتهولك جلال:: يا مجدى انت سبع واخوك سبع وواثق من انكم رجاله مفيش زيهم مجدى :: خلاص اسيبك تفكر براحتك ياخواى ___________________________________ __________ مجدى بقرا الورق عن دلال ورامى واحمد وسعيد وكانت المفاجاءة لجلال ان دلال اتجوزت رامى اتصدم طبعا وعرف انة كان ضحيه للعبه قذرة من حبيبته اللى كانت بتحب الانسان اللى رماة بالسجن عشر سنين طبعا جلال اتملك غضبه وحاول يكون بارد عشان يعرف ازاى يلاعب اعداوة وطبعا دة غير الخطه اللى كان عاملها وخصوصا لما عرف ان دلال كانت حاطه ايدها بايد رامى وبعد تفكير عميق وصل لخطه يقدر يدمر بيها رامى بعد معرف انه شغال فى التجارة وعمل مقلب فى رامى وعرف مجدى ازاى يتصرف مع الموقف ويروح على رامى يتعرف عليه وفعلا مجدى مكدبش خبر وراح ل رامى اتعرف عليه عطالو الامان وعمل معاة صفات كتير وسارت بينهم صداقه وهميه وقدر مجدى يعمل كمين لرامى وكانت صفقه سلاح ورامى رحب بالفكرة وبلع الطعم اللى مجدى حاطو ل رامى وفى اليوم الموعود --------------------------------------------------------- 0رامى :: ايه يا شيخ العرب منور كلو فى السليم مجدى:: كان اتعرف عليه باسم مستعار وورطو بصفقه سلاح وقدر يخبى م**رات فى السلاح وسلم رامى الاسلحه وكانت رجاله تانيه مراقبه رامى وراحو لمكان تشوين البضاعه واتصلو بجلال بعد معرف مكان الاسلحه وعرف ان رامى حيروح يتمم على البضاعه وقدر جلال انه يوصى حد من اصحابه فى البوليس ببلاغ القبض عليه متلبس وتم الزج برامى بسجن تحت قضيه اتجار سلاح وحيازة مخدارات -------------------------------------------------------------- مجدى:: مب**ك يا جلال صاحبك شرف فى المصيدة واتحكم عليه ب15 سنه جلال:: اة طبعا عرفت يااخويا بس نارى عمرها مهتنطفى الا ميكون باقى الكلاب مشررفين جنب اخوهم وساعتها هروحلهم زيارة السجن مخصوص مجدى:: وناويت تعمل ايه مع دلال جلال: لا دلال دى موالها كبير اشوف احمد وسعيد وتف*ج على دلادل لان حسابها حيكون اكتر بكتير بس اعرف بس منها ابنى موجود ولا فين انت نسيت انها كانت حامل منى وكنت معاها وقتها مجدى:: مايمكن يا جلال يكون ابن رامى وحتعرف ازاى جلال:: بس اعرف انه موجود وساعتها حعمل تحاليل ___________________________________ _______________ وابتدى جلال يراقب احمد وسعيد وكان عايز يتاكد انهم ليهم علاقه برامى ولا هما كانوا ضحيه زى جلال جلال:: كنت عايز اتاكد يا مجدى ان العيال دول كانو باللعبه مع رامى ولا ضحيه زى بالظبط مجدى:: بسيطه ياخواى انا عندى مكان فى الصحرا مفهوش صريخ ابن يومين اقدر اخ*ف العيال دى واقررهم بس الواد احمد اخو سعيد مسافر برة جلال:: خلاص يا مجدى هاتلى الواد دة فى المكان بتاعك واحنا نخليه يتكلم مجدى:: فى ظرف يومين يكون تحت رجليك ___________________________________ ___________ المقاول:: ايوة يا جلال بيه انا عارف انى مضيت على العقد بس دى خسارة كبيرة انا مش ادها يا جلال بيه جلال:: يا سيدى بسيطه انا موعدكش انى حشيل الخسارة انا اسلفك المبلغ وتخلص الطلبيه والعقد مكتوب فيه شغل كتير جاى من وراة م**ب كبير يعنى يا حمودة كلنا فى مركب واحد حمودة المقاول:: خلاص يا جلال بيه اللى تشوفو وتامر بيه جلال:: تتعوض يا حاج المهم اننا نخلص ونبتدى فى الجديد واللى جاى حيكون احلى انا ناوى احط فى المخازن حديد كتير واسمنت عرفت ان فيه زيادة جايه فى الاسعار حمودة:: عين العقل يا جلال بيه اللى بتقولة وانا مستعد ادخل شريك معاك بنسبه زى ماتحب جلال:: بضحكه كبيرة وليه لا يا حمودة انت الراجل بتاعى وتهمنى حمودة :: تعيش يا جلال بيه تسلم ___________________________________ __________________ مجدى:: ايوة يا جلال الواد تحت ايدينا وتحت امرك وطوعك جلال:: حلو اوى يا مجدى يالا بينا نروحلو وبعد مسافه مشى بالسيارة ساعتين وصلو لمكان كبير بالصحرا مليان رجاله وصل مجدى وجلال مجدى:: ايوة يا حسان الواد فين حسان:: اهوة متلقح جوة يا مجدى بيه جلال:: تعالى يا مجدى لما نشوف اخرتها وحنعمل ايه دخلو المكان وكان سعيد مربوط بالحبال وعينيه معصوبين بقطعه من القماش مجدى فكوة يا رجاله وقام سعيد مضطرب وبيص على اللى حواليه وبص لقى جلال قدامو سعيد:: مين جلال وانا جاى هنا ليه يا جلال مجدى :: بالقلم على وشوا اسموا جلال بيه يا حيوان سعيد:: لمواخذة يا جلال بيه اللى مايعرفك بس انا زعلتك فى ايه جلال:: وحياة امك انت متعرفش زعلتنى بايه انت نهارك اللى جايبنك هباب لو متكلمتش عايز الواد يتروق يا رجاله وابتدى الرجاله ض*ب بسعيد فى وشو وبطنه ويقع على الارض ويقوم وبالاقلام على وشو وراسو تغطس فى براميل ميه بكتم نفسه جلال:: طلهعوة سعيد:: امممممممممم ايه بس يا جلال فيه اي جلال:: انت حتستعبط يا روح امك غطسوة قام الرجاله غطست دماغه لدقيقه ونصوطلعوة تانى جلال:: هتحكى اللى حصل بالظبط ولا الرجاله تشوف شغلها سعيد:: حتكلم يا جلال انا مليش دعوة احمد اخويا صاحب رامى ومكنتش موافق من الاول انى اتكلم ولا بحب رامى من الاساس جلال:: وبعدين وكنت تعرف ان خطيبتى بعلاقه برامى ولا لا قول متخافش يا سعيد انا مش عايز ااذيك سعيد:: بس متنساش ان احمد يبقى اخويا جلال:: ومتنساس ان اخوك ورامى هما سبب سجنى مرمى عشر سنين سعيد:: احمد متكلمش مع رامى اتكلم مع عباس زميل رامى هو اللى خطط لكل حاجه وازاى يعرف يطلع منك الاثار جلال:: واستفاد ايه بسجنى عباس ولا رامى سعيد:: خطيبتك كان معاها خريطه تالته اخدتها منك واخدها رامى وعباس وراحو لقو تمثال كبير وباقي الصنديق مش موجود جلال:: عندك حق انا قدرت اخبى صناديق الدهب وسبت التابوت الكبير كان فيه تمثال كبير معرفتش انقله والخريطه ملهاش لازمه سعيد :: رامى بعد ما اتفق معاك وعرف انك حويط قدر يعرف دلال ويزغلل عنيها بالفلوس وسرقت الخريطه من بيتكم من اوضه نومك وراحو لقو التمثال الكبير وباقى الحاجات متسربه باعو التمتال لخواجه يونانى عن طريق ناس بمصلحه الاثار واخدو 30 فى الميه دلال اخدت قرشين حلوين واحمد سافر برة بعقد عمل حلو وقرشين حلوين وقدر رامى يتجوز دلال بعد ما دخلت السجن بفترة جلال:: اة بس دلال كانت حامل منى وابنى فى بطنها سعيد:: انا معرفش حاجه انا مخدتش ولا مليم منهم انا على عهدى معاك يا جلال بيه جلال: واصدقك ازاى يا سعيد واخوك خانى سعيد:: متنساس يا جلال بيه انى كنت بزورك السجن جلال:: ايوة عشان مصلحتك وتتطمن ومطلعش من المولد بلا حمص سعيد:: انا قولت اللى عندى والقرار قرارك مش عايز حاجه بس سبنى فى حالى انا مش قدكم انا عايز اعيش بحالى جلال:: فكوا الواد فيه اتفاق تانى بينى وبينى وحصولنى انا ومجدى وهاتوة معانا والى هنا تنتهى احداث الحلقة التالتة

Free reading for new users

Scan code to download app

App Store Google Play

Facebookexpand_more