Apple Antoinette Maraño
Parang gusto kong ipukpok ang ulo ko sa dingding nang makapasok ako sa banyo. Ang bilis ko pa ring bumigay kay Jeremy. Lagi kong sinasabi sa sarili ko na hindi na ako bibigay pa sa kanya ngunit isang hila lang niya natagpuan ko na lang ang sarili ko sa mga bisig niya. Napailing na lang akong binuksan ang shower ng banyo baka sakaling mahimasmasan ako.
Hinayaan kong dumaloy ang malamig na tubig sa katawan ko. Nang tuluyang mabasa ako ay kinuha ko ang bath soap at sinabon ang sarili. Napatingin ako sa salamin ng banyo at kitang kita ko ang mga mapupulang marka sa leeg ko maging sa magkabilang dibdib ko. Agad akong nakaramdam ng init sa katawan sa kabila ng malamig na tubig na dumaloy sa katawan ko.
Agad pumasok sa isip ko ang ginawa namin ni Jeremy kanina la
