Hindi ko alam kung ano ang isasagot ko. Hindi kaya ay magdududa ang mga ito sa akin? Baka ay dahil dito ay pagiisipan na nila ako ng masama. Masamang ideya ba na ipinakita ko sa kanila na naiintindihan ko ang nilalang na ito? Siguro naman ay normal lamang ito sa lahat, hindi ba?
“Hindi ko alam,”sabi ko at umiwas ng tingin, “Hindi ko rin inaasahan na maiintindihan ko si Fae. Akala ko ay normal lamang iyon dito.”
Sinubukan ko na magmukhang kawawa at walang kaalam-alam para hindi sila magduda sa akin. Kailangan ko itago ang totoo kong pagkatao kung hindi ay baka ito pa ang dahilan kung bakit hindi ko maisagawa ang aking pinaplano. Huminga ako nang malalim at ibinalik ang tingin sa kanila.
Ngayon ko lang din na pansin na nakatingin na pla silang lahat sa akin. Gulat na gulat at hindi makap
