انتي ملكي

(6)الفصل السادس

الفصل السادس.....

رحمه ..يعنى ايه احنا هنقعد سوا فى اوضه واحده ..

كريم ..ببرود وهو يقوم بخلع الجاكت ...اولا ده جناح مش اوضه يعنى فى اوضتين ثانيا اى مساعده شخصيه بتسافر معايا بتقعد فى نفس الجناح علشان الشغل ....

رحمه...لا طبعا انا مش هقعد هنا حضرتك ممكن تشوف ليا اوضه انزل فيها بعد اذنك ..

كريم ...بصى يا رحمه انا مش عاوزك تخافى منى لانى عمرى ما هقرب منك ابدا ولو قربت مش هيكون غير برضاكى .....

رحمه ..ارجوك يا كريم بيه شوفلى اوضه تانيه اكيد حضرتك ممكن تتصرف...

كريم ...بخبث ..هو ممكن لان الفندق ملك لاخويا بس انا بصراحه مش شايف فى داعى لكده ..

رحمه ..اخوك ..هو مش حضرتك ملكش اخوات ..

كريم ..بحقد...لا ليا اخ اكبر منى بخمس سنين واغنى بكتير وانا جاى هنا علشان شغل بينا 

رحمه....طيب ممكن حضرتك تتصرف وتطلب غرفه ليا ...

كريم ..بس ....

منع كريم من تكمله حديثه طرق على الباب ...

كريم ..ادخل ...

دخل عامل الفندق ...كريم بيه ...

كريم ..نعم خير 

العامل ...فارس بيه مستنى حضرتك تحت فى المطعم 

كريم ..طيب نازل حالا..

خرج موظف الفندق...ووجه كريم كلامه لرحمه ..

كريم ..يله بينا ننزل اللى تحت ده فارس اخويا هاتى دفترك معاكى علشان لو فى حاجه مهمه او ملاحظه تتكتب ..

رحمه ..حاضر ...

ونزلت رحمه وكريم لفارس ودخلوا المطعم كانت رحمه خلف كريم ولم ترى الى الان فارس ولكن سمعت صوته ..

كريم ..اهلا فارس اخبارك ..

فارس ..اهلا بيك يا كريم نورت الفندق ...

تنحى مريم كريم..وقدم رحمه...

كريم ..اقدم ليك رحمه السكرتيره بتاعتى ...

رفعت رحمه نظرها ووجدت رجل لم ترى عينيهامثله نعم هو رائع الجمال بعيونه الزقاء التى تتنافر بشده مع شعره الاسود وكان لون بشرته اغمق من كريم من الواضح انه تعرض للشمس كثيرا ولديه جرح بسيط فى خده الايسر ولكن رغم ذلك فهو رائع الجمال ..

فارس ..بتجاهل لرحمه ..اهلا .....

رحمه..اهلا بحضرتك يا فندم ..

رحمه لنفسها لماذا يعاملنى هكذا هل قمت باى خطأ فهذه اول مره ارى فيها فارس ...

ابتدى الكلام بين فارس وكريم وتقوم رحمه بكتابه الملاحظات ولكن كلما التقت عيونها بفارس كانت تلاحظ انه ينظر له باستهزاء ..ولكن لماذا انتهى الكلام بينهم ...

فارس ..طيب انا هسيبكم ترتاحوا ونتقابل بكره الصبح 

كريم ..ماشى ان شاء الله...

اوقف فارس صوت رحمه الرقيق ..

رحمه...فارس بيه ...

التفت لها فارس ولا يعلم ماذا تريد منه ..

فارس ..ببرود ..نعم ...

رحمه ..بتردد..ووجها احمر ..ممكن حضرتك تشوفلى اوضه تانيه غير جناح كريم بيه ..

استغرب فارس جدا ونظر لكريم ...ليه فى حاجه 

رحمه..باحراج ..اصل حضرتك انا مكنتش اعرف اننا هننزل فى جناح وطلبت من كريم بيه غرفه ومش راضى.لولوالصياد .انتى ملكى . وعرفت انك صاحب الفندق فلو ممكن اوضه تانيه لو سمحت ارجوك ..

كريم ..بعصبيه ..بس كده هتعطلى الشغل ..

رحمه ..حضرتك ..ممكن نخلص الشغل هنا فى المطعم وبعد ما نخلصه كل واحد يروح اوضته ...

فارس ..خلاص يا انسه انا هجهزلك اوضه والموظف هيود*كى ليها ..

كريم بعصبيه ..انا طالع وبراحتك ..

سابهم كريم وطلع اوضته...

رحمه..شكرا جدا لحضرتك ...

فارس ..لا عادى مفيش مشكله اتفضلى روحى الاستقبال وانا هكلمهم ...

رحمه..شكرا ..بعد اذنك ...

ذهبت رحمه وهى تشعر برتياح كبير ....

فارس يفكر يا ترى يا رحمه حكايتك ايه بتمثلى الشرف ولا فعلا شريفه ....

ياترى هيحصل ايه ....انتى ملكى ...لولو الصياد ..