MARA
Ang mga bagay ay naging maayos sa pagitan namin ni Zero nitong mga nakaraang linggo. Naging malapit kami sa isa't isa. Sabay din kaming kumakain habang nagkukwentuhan at minsan sabay kaming lumalangoy sa pool habang nag papaligsahan sa paglangoy. Oo, tinuruan niya ako kung paano lumangoy ng ayos at mabilis, masaya ako roon at tuwing aalis siya para pumunta ng opisina minsan ay isinasama na niya ako roon kaya minsan nagkaka-usap kami ni Mira.
Ngayon ay nasa opisina ako ni Zero habang nagkakape, mag isa ako dito dahil may lunch meeting ito sa labas ng building na iyon, nagpaiwan ako kasi wala naman akong gagawin at baka makagulo lang ako roon. Kaya hindi na ako sumama kay Zero. Nakaupo ako sa sopa sa loob ng opisina nito at nanonood ng balita dahil may sarili kasi itong plat na teleb
