"MISS Hestia, are you ready?" tanong ng isang makeup artist na siyang na-assign sa akin para ayusan ako.
Napabuntong hininga ako bago hinigpitan ang pagkakatali ng bathrobe sa katawan ko. Kalalabas ko lang ng banyo nang maabutan ko siya rito sa kwarto ko kasama ang iba niyang kasamahan, at sa hula ko ay ang ama ko ang nagpapasok sa kanila.
Naglakad ako patungong vanity mirror at naupo sa bangko. Nang makita ko sa salamin ang paglapit nila sa akin ay pinagtaasan ko sila ng kilay dahilan para matigilan sila.
"I can do my makeup alone," sambit ko.
Nagkatitigan sila ng mga kasama niya. Sa ngayon ay tatlo silang babae ang nandito sa kwarto ko para sana ayusan ako gaya ng utos ng ama ko.
"Pero sabi po ni Sir Gabriel ay ayusan daw po namin kayo," sambit ng isa sa kanila.
"Then, lie to him.
