PAPASOK pa lamang sila sa gate ng mansyon ay natanaw na niya ang senyora. Hindi na siya mapalagay at natatakot sa maging reaksyon ng senyor at senyora. Pero hindi naman na niya magagawang ilihim ang paglaki ng tiyan.
“Kinakabahan ka ba?”
“Opo, Dra. Angeles baka po palayasin nila ako sa mansyon.” matapat niyang sagot sa magandang doktora.
“Mabait ang pamilya nila hindi mangyayari ang iniisip mo.” nakangiting ani pa ni Doktora.
Nang huminto ang sasakyan nito ay hindi niya magawang kumilos. Isa pa hindi rin siya marunong magbukas ng pinto. Kaya naghintay siya na pagbuksan nito.
“Salamat po doktora.” pilit ang ngiti ni Savannah, lalo at naglalakad ng palapit sa kanila ang senyora. May malapad na ngiti at hindi niya magawa na suklian ito ng ganun din ngiti.
“Dra. Angeles, mabuti at na pas
