“OKAY ka na ba?” worried na tanong ni Maki kay Allen na sumisinghot-singhot pa rin pero mukhang tumigil na sa pag-iyak. Nasa loob sila ng kuwarto ng dalagita, magkatabing nakaupo sa sahig, pasandal sa pader. Bukas na bukas ang pinto na madaling masisilip mula sa ibaba ng hagdan pero may privacy pa rin sila roon.
Nasa sala pa rin sina Francis at Rose Amory, malamang nagtataka kung anong meron sa kanila. Tumakbo kasi bigla paakyat si Allen nang marealize na umiiyak ito. At bago pa makapag-isip si Maki ay hinabol na niya ang babae hanggang makita niya itong nakasalampak ng upo sa kuwarto na iyon. Kaya tumabi siya rito.
“Unang araw mo pa lang sa school, natandaan mo na ako agad?” garalgal na tanong ni Allen na pinapahid ng kamay ang basang mga pisngi.
Dinukot muna ni Maki ang panyo sa bul
