NAGING maayos ang pag-dinner ni Kristen kasama ng pamilya ni Cadmus sa mansyon ng mga ito. Medyo nahihiya pa siya, pero todo asikaso naman si Cadmus sa kaniya dahil hindi siya nito pinabayaan na mahiya. Mababait pa rin ang buong pamilya nito, maayos siyang tinanggap katulad nang una siyang pinakilala ni Cadmus sa mga ito. Nang matapos mag-dinner ay hinatid din siya agad ni Cadmus pabalik sa kaniyang apartment, gusto pa nga siya nitong patulugin sa mansyon, pero siyempre umayaw siya.
Ngunit paggising niya kinabukasan ay problema naman ang dumating nang puntahan siya ng may ari ng apartment at ayaw na nitong tumanggap ng upa dahil mas gusto siyang paalisin na agad kahit may one month pa naman natitira sa kontrata na pinirmahan niya. Hindi niya matukoy kung ano ang dahilan at gusto siya nito
