NAKASANDAL lang si Kristen sa balikat ng kaibigan habang nakaupo sa loob ng sinehan, nakatutok ang tingin niya sa palabas pero ang kamay niya ay panay ang subo ng popcorn sa kaniyang bibig at gano'n din kay Cedric, sinusubuan niya paminsan-minsan ang bibig nito.
May halong comedy ang action movie na pinapanood nila, kaya hindi niya mapigilan ang matawa at napapahampas na lang sa mga braso at hita ni Cedric tuwing napapasobra ang pagtawa niya, kaya minsan ay nagkakandahulog na lang ang popcorn sa hawak nitong bucket, pero hinahayaan naman siya nito at napapangiti na lang ito sa kaniyang mga hampas.
Ngunit nang sa kalagitnaan na ang movie ay nang bigla na lang napahinto si Kristen nang maramdaman na parang may kung anong tumama sa ulo niya. Hindi niya pinansin nung una dahil akala niya ay
