MAYUMI’S POINT OF VIEW
✦
Gusto kong tawanan ang sarili ko, hindi naman sobrang halatang excited na excited ako na dalawang oras akong maaga sa usapan naming meet-up time. Ngayon ang araw na aalis kami para sa napakalaking project na binigay sa akin ni Ma’am Selene. Kahit talaga anong pagpapakalma ko sa sarili ko ay wala talagang mapaglagyan ang saya at excitement ko.
Medyo hindi pa rin ako nakaka-move on sa kahihiyan na ginawa ko pero natabunan na iyon ng excitement ko. Nakakaloka kasi na tinulugan ko pala sila ma’am noong uminom kami talagang hinatid pa nila ako sa bahay! Noong kinuwento iyon nila mama ay gusto ko na lang lumubog sa lupa. Daig ko pa ang isang teenager na gumagawa ng kagagahan!
Agad akong humingi ng appointment kay Ma’am Selene kinabukasan noon para lang mag-sorry at t
