MAYUMI’S POINT OF VIEW
✦
“Why not you?” Ngumiti si Lady Maria at kitang-kita ko pa rin sa mga mata niya na naaaliw siya sa akin. “I am not saying that others aren’t worthy of an invitation to my paradise, but that doesn’t mean you aren’t too. So, why not you?”
Sa totoo lang ay hindi ko alam ang isasagot ko. Maliban naman sa iniligtas ko siya mismo, wala na kaming kahit anong koneksiyon sa isa’t isa, at kung tama nga ang mga kinuwento ni Anne sa akin, ang imbitasyon na binigay niya sa akin ay hindi basta-basta nakukuha ng kahit sino lang. Sa huling pagkakaalam ko, kabilang naman talaga ako doon sa “kahit sino lang”.
Kung ang itatanong ko naman ay kung paano nakuha ni Lady Maria ang impormasyon ko, wala naman ng punto iyon dahil ako na dapat mismo ang nag-expect na sobrang dami niyang ko
