قبل القراءه احب انوه ان الحكاية الثالثة من ابن امه هي ع** الحكاية الاولى والثانيه الحكاية دي بتناقش الموضوع من نحيت البنت يعني الا بتكون بنت امها وبتمشي ورا امها في كل شئ واتمني الحكايه تعجبكم ان شاءالله
الحلقة الأولى
=بس القاعه الا حضرتك طلباها دي غاليه جدا وانا ظروفي ماتسمحش
حماته: والله انا بنتي مش اقل من اي حد
سيف: طبعا مش اقل من اي حد بس برضه القاعه الا انا عايز اعمل فيها الفرح مش قليله وسعرها مناسب ليا
حماته: بس القاعه دي مش مناسبه ليا انا ولا تليق بمقام بنتي وموضوع سعرها دا مشكلتك انت تحلها
سيف بنفاذ صبر: احلها ازاي يعني وحضرتك عارفه ان انا خلصت كل الفلوس الا كانت معايا علي الشقه والفرش الا حضرتك طلبتيهم
حماته: وانا مطلبتش حاجه كبيره ..الا انا طلبته دا اقل حاجه ممكن تقدمها لبنتي
( بص سيف لخطيبته ريهام بتعب وارهاق من الكلام مع والدتها)
ريهام برجاء: عشان خاطري يا ماما وافقي
