Kinabukasan ay maaga siyang pumasok sa eskuwelahan at bangag na bangag pa siya. Ni hindi siya makapag-isip nang maayos dahil sa dami ng problema niya. Iniisip pa niya ang sitwasiyon nila ni Kai at Rogue. Ang anak niya at ang mga magulang niya.
Bumaba na siya ng kaniyang sasakyan at naglakad nang makita si Kai. Nasa gate ito at may dalang supot. Ngumiti ito sa kaniya na para bang walang nangyari. Dating gawi ito. Imbis na matuwa ay lalo siyang nakaramdam ng inis. Naaalala niya lang ang mga araw noon na ganito rin ang ginagawa ng binata at wala siyang kaalam-alam na nakikipagchukchakan na pala ito sa kaibigan niyang si Tweetie.
Dinaanan niya lang ito.
“Mia,” tawag nito sa kaniya.
Hindi siya nakinig at patuloy lamang siya sa paglalakad.
“Mia, please, mag-usap naman tayo oh,” sambit nito.
