PATRICIA CASTILLO POV
Hindi pa rin mawala sa isip ko kung paano ako asikasuhin ni Patrick. May part na nakakakilig, lalo na kapag naaalala ko ang kanyang mga sinabi. Sigurado kaya siyang gagawin niya ang lahat katulad ng pinangako niya? Kung totoo nga iyon, magiging masaya na kami ng mga bata. Tanging totoong pagmamahal at pagtanggap lang ang kailangan namin.
Paano ko ba nasasabi ang mga bagay na ito? Alam ko na hindi madali ang lahat, lalo pa at wala naman siyang anak. Siguro kung pareho kaming single parent, madaling tanggapin ng madla kaya lang iba ang sitwasyon namin dalawa.
Pumikit ako at humingi ng kaunting pag-asa sa itaas.
“Lord, kung siya na po talaga. Ibigay niyo na!” Mataimtim kong panalangin.
Napatayo ako ng bigla sa kama ng marinig ko ang malalakas na kalampag sa sahig. K
